ທ່ານສຽນເຄີ້ມິງ ຮອງລັດຖະມົນຕີກະຊວງການຄ້າຈີນຢືນຢັນໃນວັນທີ 10 ພຶດສະພານີ້ວ່າ ໃນໄລຍະດຳເນີນກອງປະຊຸມສຸດຍອດເວທີປຶກສາຫາລືການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ແຕ່ວັນທີ 14-15 ພຶດສະພານີ້, ຈີນຈະຮ່ວມກັບ 20 ປະເທດແລະເຂດແຄວ້ນທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ"ຊຸກຍູ້ການສ້າງເຂດການຄ້າເສລີໃຫ້ເປັນຈິງ.
ທ່ານສຽງເຄີ້ມິງຢືນຢັນຕື່ມວ່າ: ມາຮອດປັດຈຸບັນ, ຈີນໄດ້ຮ່ວມກັບ 22 ປະເທດແລະເຂດແຄວ້ນລົງນາມແລະຈັດຕັ້ງປະຕິບັດສັນຍາການຄ້າເສລີແລ້ວ ໃນນີ້ລວມທັງມີ 11 ປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ເຊັ່ນສັນຍາການຄ້າເສລີຈີນ-ອາຊຽນ, ຈີນ-ປາກິສະຖານແລະສັນຍາການຄ້າເສລີຈີນ-ສິງກະໂປ. ນອກນີ້, ຈີນຍັງໄດ້ສຳເລັດການເຈລະຈາການຫຼຸດພາສີຮອບທີ 4 ກັບ 4 ປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ຄືອິນເດຍ,ສີລັງກາ,ບັງກະລາເດັດແລະລາວພາຍໃຕ້ຂອບສັນຍາການຄ້າເສລີອາຊີປາຊີຟິກ ແລະປັດຈຸບັນກຳລັງເລັ່ງກະກຽມຈັດຕັ້ງປະຕິບັດ.
 |
