ທ່ານເກິງສວາງ ໂຄສົກກະຊວງການຕ່າງປະເທດຈີນຖະແຫຼງໃນວັນທີ 10 ພຶດສະພານີ້ວ່າ: ໂດຍຕອບສະໜອງຕາມຄຳເຊີນຂອງທ່ານຫຼີເຄີ້ສຽງ ນາຍົກລັດຖະມົນຕີຈີນ, ທ່ານຮຸນແຊນ ນາຍົກລັດຖະມົນຕີລາຊະອານາຈັກກຳປູເຈຍຈະເດີນທາງມາຢ້ຽມຢາມຈີນຢ່າງເປັນທາງການແຕ່ວັນທີ 13 -17 ພຶດສະພານີ້ໃນໂອກາດເຂົ້າຮ່ວມກອງປະຊຸມສຸດຍອດເວທີປຶກສາຫາລືການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ".
ໄລຍະຢ້ຽມຢາມຈີນ, ນອກຈາກຈະເຂົ້າຮ່ວມກອງປະຊຸມສຸດຍອດເວທີປຶກສາຫາລືດັ່ງກ່າວແລ້ວ,ທ່ານຮຸນແຊນຍັງຈະເຂົ້າຢ້ຽມຄຳນັບທ່ານສີຈິ້ນຜິງ ປະທານປະເທດຈີນ,ພົບປະກັບທ່ານຫຼີເຄີ້ສຽງ ນາຍົກລັດຖະມົນຕີຈີນ, ທ່ານຈ່າງເຕີຈ່ຽງ ປະທານສະພາປະຊາຊົນແຫ່ງຊາດຈີນແລະທ່ານຢູເຈີ້ງເຊິ່ງ ປະທານສະພາປຶກສາການເມືອງປະຊາຊົນແຫ່ງຊາດຈີນ ຂະນະດຽວກັນກໍຈະເຂົ້າຮ່ວມກອງປະຊຸມສຸດຍອດເວທີປຶກສາຫາລືທຸລະກິດການທ່ອງທ່ຽວຈີນ-ກຳປູເຈຍອີກດ້ວຍ.
 |
