ຕາມຂ່າວສານຊິນຮວາ:ດັດຊະນີການຄ້າເສັ້ນທາງສາຍໄໝທາງທະເລເຊິ່ງເປັນສ່ວນທີ່ສຳຄັນຂອງລະບົບດັດຊະນີເສັ້ນທາງສາຍໄໝທາງທະເລໄດ້ເປີດເຜີຍຕໍ່ພາຍນອກໃນວັນທີ 10 ພຶດສະພານີ້.
ທ່ານຫວັງສຽວທາວ ຮອງປະທານຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ,ດັດຊະນີເສັ້ນທາງສາຍໄໝທາງທະເລເປັນລະບົບດັດຊະນີສຳລັບຊັ່ງຊາລະດັບການພັດະທະນາລວມຂອງຕະຫຼາດການຂົນສົ່ງທາງນ້ຳແລະການຄ້າສາກົນທັງສ່ອງແສງໃຫ້ເຫັນທ່ວງທ່າການປ່ຽນແປງຂອງຕະຫຼາດການຂົນສົ່ງທາງນ້ຳແລະການຄ້າເຊິ່ງປະກອບດ້ວຍດັດຊະນີຕ່າງໆເປັນຕົ້ນລາຄາຂົນສົ່ງຕູ້ສິນຄ້າສົ່ງອອກ,ດັດຊະນີເສດຖະກິດຂົນສົ່ງທາງນ້ຳແລະດັດຊະນີການຄ້າເສັ້ນທາງສາຍໄໝທາງທະເລ.
ທ່ານກ່າວຕື່ມວ່າ,ການເປີດເຜີຍດັດຊະນີການຄ້າເສັ້ນທາງສາຍໄໝທາງທະເລສາມາດເສີມເນື້ອໃນລະດັບດັດຊະນີເສັ້ນທາງສາຍໄໝທາງທະເລໃຫ້ສົມບູນຂຶ້ນແລະຈະກາຍເປັນຕົວເລກຄາດ ໝາຍອັນໜຶ່ງໃນການຕີລາຄາຜົນການປະຕິບັດການກໍ່ສ້າງ "ໜຶ່ງແລວທາງໜຶ່ງເສັ້ນທາງ"ຂອງຈີນລວມທັງການສຶກສາຄົ້ນຄວ້າຂໍ້ມູນຂ່າວສານແລະການພິຈາລະນາທ່ວງທ່າສຳລັບປະເທດລຽບຕາມ "ເສັ້ນທາງສາຍໄໝທາງທະເລສະຕະວັດທີ 21"ແລະສາມາດເປັນສິ່ງອ້າງອີງສຳຄັນສຳລັບປະເທດຕ່າງໆປະເມີນຜົນປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ແລະປັບປຸງນະໂຍບາຍຂອງຕົນ.
 |
