ຕາມຂ່າວສານຊິນຮວາ: ທ່ານມານົບ ສະຫງຽມ ຮອງປະທານຜູ້ບໍລິຫານງານ, ຫົວໜ້າພະແນກທຸລະກິດຈີນຂອງທະນາຄານການຄ້າໄທໃຫ້ສຳພາດຕໍ່ນັກຂ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະຊຸກຍູ້ໃຫ້ວິສາຫະກິດຈີນກ້າວໄປສູ່ຕ່າງປະເທດນັບມື້ຫຼາຍຂຶ້ນ ແລະຈະເຮັດໃຫ້ບັນດາປະເທດໃນອາຊຽນໄດ້ຮັບຜົນປະໂຫຍດ. ຈາກນີ້ ທະນາຄານຂອງຕົນກໍຫວັງຊ່ວຍວິສາຫະກິດຈີນພັດທະນາຢູ່ອາຊຽນໄດ້ດີກວ່າເກົ່າ ແລະແບ່ງປັນຂີດຄວາມສາມາດທີ່ມີທ່າແຮງຂອງຕົນ.
ທ່ານມານົບກ່າວວ່າ, ທະນາຄານຕົນກຽມຈະພິມຈຳໜ່າຍປຶ້ມທີ່ຮຽບຮຽງບົດຄວາມຈາກຊ່ຽວຊານຕ່າງໆທີ່ໄດ້ອະທິບາຍຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເພື່ອຊຸກຍູ້ໃຫ້ບັນດາປະເທດໃນອາຊຽນໂຄສະນາຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະຊຸກຍູ້ການແລກປ່ຽນລະຫວ່າງປະເທດຕ່າງໆ.
ທ່ານມານົບກ່າວຕື່ມວ່າ, ຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ" ມີຫຼັກການ ຕ່າງຝ່າຍຕ່າງມີຜົນປະໂຫຍດ ເພື່ອຊຸກຍູ້ໃຫ້ຈີນແລະປະເທດຕ່າງໆເສີມຂະຫຍາຍສາຍພົວພັນ ແລະຮ່ວມມືກັນຢ່າງເຕັມທີ່ ແລະຫວັງວ່າປຶ້ມເຫຼັ້ມນີ້ຈະເຮັດໃຫ້ບັນດາປະເທດໃນອາຊຽນເຂົ້າໃຈຂໍ້ລິເລີ່ມດັ່ງກ່າວໄດ້ດີກວ່າເກົ່າ ແລະເຮັດໃຫ້ຈີນຮັບຮູ້ຄວາມຕ້ອງການຂອງບັນດາປະເທດໃນອາຊຽນຕື່ມອີກ.
 |
