ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 11 ພຶດສະພານີ້,ທ່ານເກີງສວ້າງ ໂຄສົກກະຊວງການຕ່າງປະເທດຈີນໄດ້ອວຍພອນທ່ານກາຢາຕາໂນໃນໂອກາດໄດ້ຮັບຕຳແໜ່ງ ລັດຖະມົນຕີກະຊວງການຕ່າງປະເທດຟິລິບປິນໂດຍກ່າວວ່າ ຈີນຍິນດີຮ່ວມກັບທ່ານເພື່ອຊຸກຍູ້ການພົວພັນລະຫວ່າງສອງປະເທດໃຫ້ພັດທະນາເຂົ້າສູ່ລວງເລິກຢ່າງຕໍ່ເນື່ອງ.
ທ່ານເກີງສວ້າງກ່າວວ່າ,ພວກຂ້າພະເຈົ້າຂໍສົ່ງຄວາມອວຍພອນແລະສະແດງຄວາມຍິນດີທີ່ທ່ານໄດ້ຂຶ້ນດຳລົງຕຳແໜ່ງລັດຖະມົນຕີກະຊວງການຕ່າງປະເທດຟິລິບປິນເຊິ່ງຈີນຍິນດີຮ່ວມກັບທ່ານປະຕິບັດຄວາມເປັນເອກະສັນກັນລະຫວ່າງຜູ້ນຳຂັ້ນສູງຂອງສອງປະເທດໃຫ້ດີ,ສືບຕໍ່ລົງເລິກການຮ່ວມມືຕົວຈິງ,ຊຸກຍູ້ການພົວພັນລະຫວ່າງສອງປະເທດໃຫ້ພັດທະນາເຂົ້າສູ່ລວງເລິກຢ່າງຕໍ່ເນື່ອງ,ສ້າງຄວາມສຸກໃຫ້ແກ່ປະຊາຊົນສອງປະເທດແລະຊຸກຍູ້ສັນຕິພາບແລະສະຖຽນລະພາບຂອງພາກພື້ນ.
ທ່ານເກີງສວ່າງຍັງກ່າວຕື່ມວ່າ,ຢາເສບຕິດແມ່ນສັດຕູຮ່ວມຂອງມະນຸດ,ໂດຍຈີນໄດ້ສະໜັບສະໜູນທ່ານປະທານາທິບໍດີດູເຕິເຕແລະລັດຖະບານຟິລິບປິນຕໍ່ຕ້ານອາຊະຍາກຳຢາເສບຕິດຕາມກົດໝາຍ,ແລະຫວັງວ່າປະຊາຄົມໂລກຈະເຄົາລົບຂະບວນການຕຸລາການຂອງຟິລິບປິນດ້ວຍການຮ່ວມມືແລະສະໜັບສະໜູນຄວາມພະຍາຍາມຂອງຟິລິບປິນໃນການຕໍ່ຕ້ານອາຊະຍາກຳຢາເສບຕິດ.
 |
