ຕາມຂ່າວ CRI: ໃນໂອກາດທີ່ກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ, ເອກອັກຄະລັດຖະທູດຂອງປະເທດຕ່າງໆໃນອາຊຽນໄດ້ບັນລະຍາຍຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ແລະນ້ຳໃຈເສັ້ນທາງສາຍໄໝດ້ວຍສຸພາສິດຂອງປະເທດຕົນໃນໂອກາດໃຫ້ສຳພາດຕໍ່ນັກຂ່າວ CRI.
ທ່ານນາງວັນດີ ບຸດທະສະວົງ ໄດ້ນຳເອົາຄຳສຸພາສິດຂອງລາວເວົ້າວ່າ: "ໄມ້ລຳດຽວລ້ອມຮົ້ວບໍ່ຄວ່າຍ, ໄພ່ບໍ່ພ້ອມ ແປງບ້ານບໍ່ເຮືອງ". ໂດຍກ່າວວ່າ, ນີ້ກໍຄືຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ບັນດາປະເທດຕາມແລວທາງຮ່ວມແຮງຮ່ວມໃຈ, ອຸທິກຳລັງຢ່າງຈິງໃຈຈຶ່ງຈະສາມາດຈະເນີນຮຸ່ງເຮືອງຮ່ວມກັນ.
ທ່ານນາງເຄັກໄຄເມລີ ຊິໂຊດາ ເອກອັກຄະລັດຖະທູດກຳປູເຈຍປະຈຳຈີນຢືນຢັນວ່າ ສຸພາສິດກຳປູເຈຍທີ່ຕົນມັກທີ່ສຸດກໍຄື" ບ່ອນໃດມີທາງ,ບ່ອນນັ້ນກໍຈະມີການພັດທະນາ. " ນາງກ່າວວ່າ: ຈີນໄດ້ຊ່ວຍເຫຼືອກຳປູເຈຍຢ່າງຫຼວງຫຼາຍໂດຍເຫັນໄດ້ຈາກການສ້າງຂົວ,ເສັ້ນທາງ,ໂຮງຮຽນ,ໂຮງໝໍແລະເຂື່ອນໄຟຟ້ານ້ຳຕົກ ເພື່ອຊ່ວຍພັດທະນາປະເທດກຳປູເຈຍ. ທັງນີ້ກໍສ່ອງແສງໃຫ້ເຫັນເຖິງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ທີ່ທ່ານສີຈິ້ນຜິງ ປະທານປະເທດຈີນສະເໜີອອກມາ.
ທ່ານຊູເກງ ຮາຮາໂຈ ເອກອັກຄະລັດຖະທູດອິນໂດເນເຊຍກ່າວວ່າ ສຸພາສິດອິນໂດເນເຊຍຄຳໜຶ່ງກົງກັບຈິດໃຈ "ໜຶ່ງແລວທາງໜຶ່ງເສັ້ນທາງ"ທີ່ສຸດ ນັ້ນກໍຄື "ຄວາມສາມັກຄີພາໃຫ້ມີກຳລັງແຮງ" ແລະຊາວອິນໂດເນເຊຍມັກໃຊ້ສຸພາສິດນີ້ເລື້ອຍໆໃນເວລາວາງແຜນອະນາຄົດ. ທ່ານເຫັນວ່າ ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ກໍແມ່ນລະດົມປະເທດທີ່ກ່ຽວຂ້ອງສາມັກຄີກັນເພື່ອບັນລຸຄວາມຈະເລີນຮຸ່ງເຮືອງຮ່ວມກັນ.
ສິ່ງທີ່ໜ້າເອີ່ຍເຖິງນັ້ນກໍຄື, ໂອກາດໃຫ້ສຳພາດຕໍ່ນັກຂ່າວ, ທ່ານພິຣິຍະ ເຂັມພົນ ເອກອັກຄະລາຊະທູດໄທປະຈຳຈີນກໍໄດ້ກ່າວເຖິງສຸພາສິດໄທທີ່ຄ້າຍໆກັນຄື "ຄວາມສາມັກຄີຄືພະລັງແຮງ". ທ່ານກ່າວວ່າ: ພະລັງແຮງຂອງນີ້ວມືນີ້ວດຽວມັນບໍ່ມີພະລັງ, ມີແຕ່ກຳເຂົ້າເປັນກຳປັ້ນຈິ່ງມີພະລັງແຮງ,ມີແຕ່ຄວາມສາມັກຄີເທົ່ານັ້ນຈິ່ງຈະມີອະນາຄົດທີ່ດີງາມກວ່າ.
ທ່ານດາງມິນຄອຍ ເອກອັກຄະລັດຖະທູດຫວຽດນາມປະຈຳຈີນກໍໄດ້ນຳເອົາກະວີບົດໜຶ່ງຂອງທ່ານປະທານໂຮຈີມິນທີ່ຕົນມັກມາສະແດງຄວາມຄິດຂອງຕົນກໍຄື ເດີນທາງໄກແລ້ວຈິ່ງຮູ້ວ່າເດີນທາງຍາກ, ເໜືອຟ້າຍັງມີຟ້າ. ເມື່ອຂຶ້ນຮອດຈອມພູສູງສຸດແວ້ວ,ຈິ່ງຈະເຫັນແຜ່ນດິນທີ່ກວ້າງໃຫຍ່ໄພສານ. ເນື່ອງໃນໂອກາດຈັດກອງປະຊຸມເວທີປຶກສາຫາລືສຸດຍອດການຮ່ວມມືສາກົນ"ໜຶ່ງແລວທາງໜຶ່ງເສັ້ນທາງ", ທ່ານດາງມິນຄອຍໃຊ້ບົດກະວີບົດນີ້ອວຍພອນໃຫ້ກອງປະຊຸມຈົ່ງປະສົບຜົນສຳເລັດແລະອວຍພອນໃຫ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈົ່ງເປັນການປະກອບສ່ວນອັນຕັ້ງໜ້າຕໍ່ການເພີ່ມທະວີຄວາມສາມັກຄີແລະການຮ່ວມມືລະຫວ່າງປະຊາຊົນຂອງປະເທດຕາມແລວທາງແລະຊຸກຍູ້ສັນຕິພາບ, ສະຖຽນລະພາບ ແລະການພັດທະນາຂອງພາກພື້ນ ກໍຄືຂອງໂລກ.
