ທ່ານປຣະຍຸດ ຈັນໂອຊາ ນາຍົກລັດຖະມົນຕີໄທຢືນຢັນກ່ອນໜ້ານີ້ບໍ່ດົນວ່າ: ຍຸດທະສາດແລວທາງເສດຖະກິດພາກຕາເວັນອອກຂອງໄທສອດຄ່ອງໃນລະດັບສູງກັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ທີ່ສະເໜີໂດຍທ່ານປະທານສີຈິ້ນຜິງແລະນີ້ກໍຄືເຫດຜົນສຳຄັນທີ່ໄທເພີ່ມທະວີການເຊື່ອມຈອດພື້ນຖານໂຄງລ່າງກັບຈີນແລະປະເທດອື່ນໆທັງສະໜັບສະໜູນການຈັດຕັ້ງປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".
ທ່ານປຣະຍຸດຈັນໂອຊາເນັ້ນວ່າ ສິ່ງທີ່ສາມາດຢືນຢັນໄດ້ຄື ໄທເປັນປະເທດທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ" ແລະເຊື່ອມຕໍ່ບັນດາຕະຫຼາດໃຫຍ່ໃນໂລກໂດຍຜ່ານ "ໜຶ່ງແລວທາງໜຶ່ງເສັ້ນທາງ" ຈາກນີ້ຈິ່ງຫວັງວ່າ ບັນດາຝ່າຍຈະເອົາໃຈໃສ່ທັງຮ່ວມກັນສະໜັບສະໜູນການຈັດຕັ້ງປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ". ນອກນີ້, ການເຊື່ອມຕໍ່ກັບຂໍ້ລິເລີ່ມດັ່ງກ່າວມັນສອດຄ່ອງກັບຄວາມປາຖະໜາຂອງໄທທີ່ຫວັງຈະເພີ່ມທະວີການເຊື່ອມຈອດກັນໃນພາກພື້ນແລະສ້າງໄທໃຫ້ເປັນໃຈກາງຂອງພາກພື້ນ. ລັດຖະບານໄທສຸມໃສ່ເພີ່ມທະວີການເຊື່ອມຈອດກັບຄູ່ຄ້າສຳຄັນເພື່ອເຮັດໃຫ້ປະເທດຕົນມີກຳລັງແກ້ງແຍ້ງໃນໄລຍະຍາວໃຫ້ເຂັ້ມແຂງຕື່ມອີກ.
 |
