ພິທີນຳສະເໜີປຶ້ມຮູບ "ນ້ຳໃຈທະຫານໃນສະໜາມຮົບ"ກ່ຽວກັບການຊ່ວຍລາວຕໍ່ຕ້ານຈັກກະພັດອາເມລິກາໃນປາງສົງຄາມເຫຼັ້ມທຳອິດເຊິ່ງພິມຈຳໜ່າຍໂດຍພາກເອກະຊົນຈີນນັ້ນໄດ້ຈັດຂຶ້ນໃນຄືນວັນທີ 14 ພຶດສະພານີ້ຢູ່ກຳແພງນະຄອນຈຸ່ງກິ່ງ ແຂວງເສສວນ ສປ ຈີນ.
ປຶ້ມດັ່ງກ່າວໄດ້ບັນທຶກຮູບພາບແລະເນື້ອໃນສົງຄາມທີ່ເກີດຂຶ້ນຢູ່ລາວເມື່ອກ່ອນໜ້ານີ້ 46 ປີ. ທັງນີ້,ໃນຊຸມປີ 1960ຫາຊຸມປີ1970 ເນື່ອງຈາກສະຖານະການສາກົນມີການຜັນແປ ແລະເພື່ອຕອບສະໜອງຕາມຄວາມຮຽກຮ້ອງຂອງລັດຖະບານລາວ, ລັດຖະບານຈີນໄດ້ສົ່ງທະຫານຊ່າງແສງ 110.000 ກວ່າຄົນໄປກໍ່ສ້າງທາງຫຼວງຢູ່ພາກເໜືອລາວ. ແຕ່ເດືອນມີນາປີ 1969 ຫາເດືອນພະຈິກປີ 1973, ຈີນໄດ້ສົ່ງທະຫານຫຼາຍກອງໄປປະຕິບັດໜ້າທີ່ປ້ອງກັນທາງອາກາດໃຫ້ແກ່ກຳມະກອນແລະນັກວິຊາການປະຕິບັດໂຄງການສ້າງທາງມີຄວາມຮັບປະກັນຄວາມປອດໄພແລະປະສົບຜົນສຳເລັດຕາມເປົ້າໝາຍ.
ທ້າຍປີ 2016 ຜ່ານມາ, ຫົວໜ້າກົມຊັບສິນທາງປັນຍາກະຊວງຖະແຫຼງຂ່າວ ວັດທະນະທຳ ທ່ອງທ່ຽວ ສປປ ລາວໄດ້ຢືນຢັນຕໍ່ສື່ມວນຊົນວ່າ: ຂອບໃຈນ້ຳໃຈຂອງປະຊາຊົນຈີນທີ່ມີຕໍ່ລາວແລະກໍຍ້ອນມີທະຫານທີ່ເດັດດ່ຽວເຂັ້ມແຂງເຫຼົ່ານີ້ລາວຈິ່ງໄດ້ຮັບການພັດທະນາໃນປັດຈຸບັນ, ພວກຂ້າພະເຈົ້າຂອບໃຈຕໍ່ການຊ່ວຍເຫຼືອຂອງພວກເພິ່ນດ້ວຍຄວາມຈິງໃຈ.