ທ່ານສີຈິ້ນຜິງ ປະທານປະເທດແຫ່ງ ສປ ຈີນໄດ້ຈັດງານລ້ຽງຢູ່ຫໍສະພາປະຊາຊົນແຫ່ງຊາດນະຄອນຫຼວງປັກກິ່ງໃນຕອນຄ່ຳວັນທີ 14 ພຶດສະພານີ້ເພື່ອເປັນກຽດຕ້ອນຮັບແຂກ ບັນດາປະເທດທີ່ເດີນທາງມາເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ".
ທ່ານສີຈິ້ນຜິງກ່າວປາໄສໃນງານລ້ຽງວ່າ: ການສ້າງ "ໜຶ່ງແລວທາງໜຶ່ງເສັ້ນທາງ"ເປັນຄວາມປາຖະໜາຂອງພວກເຮົາເພື່ອແລກປ່ຽນອະລິຍະທຳກໍຄືຄວາມປາຖະໜາຫາສັນຕິສຸກ,ການພັດທະນາຮ່ວມແລະມີຊີວິດການເປັນຢູ່ທີ່ດີງາມ. ສູ່ມື້ນີ້, ການທີ່ພວກເຮົາໄດ້ສືບທອດຈິດໃຈເສັ້ນທາງສາຍໄໝບູຮານ,ຮ່ວມກັນຫາລືການສ້າງ "ໜຶ່ງແລວທາງໜຶ່ງເສັ້ນທາງ"ນັ້ນກໍເພື່ອເປັນການສ້າງກະແສປະຫວັດສາດທີ່ຕໍ່ເນື່ອງທັງເປັນທາງເລືອກທີ່ຖືກຕ້ອງເພື່ອກ້າວສູ່ອະນາຄົດ. ທ່ານສີຈິ້ນຜິງຢືນຢັນວ່າ ກອງປະຊຸມສຸດຍອດໂຕະມົນທີ່ຈັດຂຶ້ນຢູ່ແຄມໜອງຢ້ຽນຊີຫູ ນະຄອນຫຼວງປັກກິ່ງໃນວັນທີ 15 ພຶດສະພານີ້ຈະຮ່ວມກັນວາງແຜນແມ່ບົດການຮ່ວມມືສ້າງ "ໜຶ່ງແລວທາງໜຶ່ງເສັ້ນທາງ" ທີ່ກຳລັງຢືນຢູ່ຈຸດເລີ່ມຕົ້ນໃໝ່ເພື່ອເປີດກວ້າງແລະຂະຫຍາຍເສັ້ນທາງກ້າວເດີນຄັ້ງໃໝ່.
ທ່ານບຸນຍັງວໍລະຈິດ ປະທານປະເທດແຫ່ງ ສປປ ລາວ, ທ່ານວຣາດີເມຍ ປູຕິນ ປະທານາທິບໍດີຣັດເຊຍພ້ອມດ້ວຍປະມຸກລັດແລະຫົວໜ້າລັດຖະບານບັນດາປະເທດ 700 ກວ່າທ່ານໄດ້ເຂົ້າຮ່ວມງານລ້ຽງອາຫານຄ່ຳ.
 |
