ຕາມຂ່າວສານຊິນຮວາ: ທ່ານຫຼິວສີປາວ ກຳມະການກົມການເມືອງສູນກາງພັກ, ເລຂາຄະນະເລຂາທິການ, ຫົວໜ້າໂຄສະນາອົບຮົມສູນກາງພັກກອມມູນິດຈີນໄດ້ເຂົ້າຮ່ວມກອງປະຊຸມແລກປ່ຽນດ້ານຫົວກະທິປັນຍາຂອງກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ແລະໄດ້ກ່າວປາໄສໃນຫົວຂໍ້ "ຈັບມືກັນເພື່ອສ້າງເສັ້ນທາງສາຍໄໝທາງປັນຍາ"
ທ່ານຫຼິວສີປາວຫວັງວ່າບັນດາຫົວກະທິຈີນແລະປະເທດຕ່າງໆຈົ່ງເພີ່ມທະວີການແລກປ່ຽນແລະຮ່ວມມືກັນ, ສ້າງສະຫະພັນແລະເຄືອຂ່າຍຮ່ວມມືດ້ານຫົວກະທິປັນຍາ ແລະຮ່ວມກັນສ້າງ "ເສັ້ນທາງສາຍໄໝທາງປັນຍາ" ໃຫ້ເປັນຮູບປະທຳ ແລະໄດ້ອະທິບາຍວ່າ ຢາກບັນລຸເປົ້າໝາຍນີ້, ຕ້ອງພິຈາລະນາການສ້າງ "ໜຶ່ງແລວທາງໜຶ່ງເສັ້ນທາງ" ຈາກຄວາມເປັນມາໃນການສ້າງປະຊາຄົມຊະຕາກຳຂອງມວນມະນຸດ, ວາງແຜນການສ້າງ "ໜຶ່ງແລວທາງໜຶ່ງເສັ້ນທາງ" ຢູ່ໃນເວທີເສດຖະກິດໃນຍຸກໂລກາວິວັດ, ຄົ້ນຄວ້າໃນທ່າມກາງບັນຍາກາດການພົວພັນສາກົນ ແລະອີງໃສ່ການຖອດຖອນບົດຮຽນເຊິ່ງກັນແລະກັນລະຫວ່າງອາລິຍະທຳຕ່າງກັນ, ຍາດແຍ່ງເອົາຜົນການຄົ້ນຄວ້າລະດັບສູງໃນຫຼາຍດ້ານ ເພື່ອສະໜັບສະໜູນສະຕິປັນຍາໃຫ້ແກ່ "ໜຶ່ງແລວທາງໜຶ່ງເສັ້ນທາງ" ແລະສ້າງຜົນປະໂຫຍດໃຫ້ແກ່ປະຊາຊົນປະເທດຕ່າງໆໄດ້ດີກວ່າເກົ່າ.
 |
