ຕາມຂ່າວສານຈີນ: ກອງປະຊຸມເວທີປຶກສາຫາລືການຮ່ວມມືເສດຖະກິດການຄ້າຝູຈ້ຽນຈີນ-ຫວຽດນາມ ທີ່ຈັດໂດຍຂຶ້ນອຳນາດການປົກຄອງແຂວງຝູຈ້ຽນຈີນແລະກະຊວງແຜນການແລະການລົງທຶນຫວຽດນາມຢູ່ເມືອງຝູໂຈວ່ໃນວັນທີ 13 ເດືອນນີ້, ຈີນແລະຫວຽດນາມໄດ້ລົງນາມໃນສັນຍາຮ່ວມມືທາງເສດຖະກິດການຄ້າ 4 ສະບັບ ແລະໃນສັນຍາການຮ່ວມມືນັ້ນໄດ້ລະບຸວ່າ ຈີນຈະລົງທຶນຢູ່ຫວຽດນາມ 600 ລ້ານໂດລາ ແລະຍອດມູນຄ່າສິນຄ້າສົ່ງອອກໄປຫວຽດນາມໃຫ້ໄດ້ 35 ລ້ານໂດລາ.
ທ່ານເຈິນດາຍກວງ ປະທານປະເທດຫຽດນາມກ່າວປາໄສໃນກອງປະຊຸມວ່າ, ຍິນດີຕ້ອນຮັບວິສາຫະກິດຝູຈ້ຽນທີ່ຈະເຂົ້າໄປລົງທຶນແລະດຳເນີນທຸລະກິດ ໂດຍຫວຽດນາມຈະສ້າງສະພາບແວດລ້ອມການລົງທຶນໃຫ້ແກ່ວິສາຫະກິດເຫຼົ່ານີ້ເປັນຢ່າງດີ ເນື່ອງຈາກໍຈີນເປັນຄູ່ການຄ້າໃຫຍ່ທີ່ສຸດຂອງຫວຽດນາມ, ຈິ່ງຫວັງວ່າຍອດມູນຄ່າການຄ້າລະຫວ່າງສອງປະເທດບັນລຸ 100 ຕື້ໂດລາໂດຍໄວ.ຂ່າວແຈ້ງວ່າ, ປີຜ່ານມາ ແຂວງຝູຈ້ຽນບັນລຸຍອດມູນຄ່າສິນຄ້ານຳເຂົ້າແລະສົ່ງອອກໄປຫວຽດນາມ ໄດ້ຫຼາຍກວ່າ 3 ຕື້ 400 ລ້ານໂດລາ ເພີ່ມຂຶ້ນ 13,8%, ໃນນັ້ນ ຍອດມູນຄ່າສິນຄ້າສົ່ງອອກບັນລຸເຖິງ 2 ຕື້ 520 ລ້ານໂດລາ ເພີ່ມຂຶ້ນ 15%.