ຕາມຂ່າວສານຊິນຮວາ: ທ່ານແອມມານູແອນ ມາຄຣົງ ປະທານາທິບໍດີຝຣັ່ງທີ່ຊະນະການເລືອກຕັ້ງ ແລະທ່ານຝຣັ່ງຊົວ ອອນລອງ ປະທານາທິບໍດີຝຣັ່ງທີ່ໝົດວາລະດຳລົງຕຳແໜ່ງ ໄດ້ມອບຮັບໜ້າທີ່ໃຫ້ແກ່ທ່ານມາຄຣົງ ແລະຈາກນີ້ກໍໄດ້ກາຍເປັນປະທານາທິບໍດີຄົນທີ 8 ຂອງສາທາລະນະລັດທີ 5 ຂອງຝຣັ່ງຢ່າງເປັນທາງການ.
ທ່ານມາຄຣົງກ່າວປາໄສໃນພິທີດຳລົງຕຳແໜ່ງວ່າ, ຕົນພ້ອມຈະເຮັດໃຫ້ຊາວຝຣັ່ງໝັ້ນໃຈຕົນເອງ ໃນໄລຍະຕຳລົງຕຳແໜ່ງເປັນເປົ້າໝາຍສຳຄັນ ໂດຍຈະນຳໃຊ້ທຸກມາດຕະການເພື່ອຊຸກຍູ້ໃຫ້ຝຣັ່ງຟື້ນຟູພະລັງຊີວິດແລະຈະເລີນຮຸ່ງເຮືອງຄືນໃໝ່, ຂະນະດຽວກັນກໍຈະສືບຕໍ່ຊຸກຍູ້ການສ້າງສະຫະພາບເອີລົບ, "ໂລກແລະສະຫະພາບເອີລົບມີຄວາມຕ້ອງການຢ່າງແຮງກ້າທີ່ສຸດຕໍ່ຝຣັ່ງແບບບໍ່ເຄີຍມີມາກ່ອນ".
ທຳນຽບປະທານາທິບໍດີຝຣັ່ງຍັງໄດ້ຖະແຫຼງຂ່າວໃນວັນທີ 14 ນີ້ວ່າ, ທ່ານມາຄຣົງຈະເດີນທາງໄປແບກແລັງພົບປະທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນໃນວັນທີ 15 ເດືອນນີ້.
 |
