ວັນທີ 15 ພຶດສະພານີ້ ຢູ່ປັກກິ່ງ, ທ່ານ ໂມຮຳເມັດ ນາສ໌ຣີ ອັບດຸນ ອາຊິສ ລັດຖະມົນຕີກະຊວງວັດທະນະທຳແລະທ່ອງທ່ຽວມາເລເຊຍກ່າວວ່າ: ປະເທດຕົນໃຫ້ຄວາມສຳຄັນຕໍ່ຕະຫຼາດທ່ອງທ່ຽວຂອງຈີນ ເຊິ່ງຈາກນີ້ສອງຝ່າຍຈະເພີ່ມທະວີການຮ່ວມມື, ເພີ່ມຄວາມພະຍາຍາມເຮັດໃຫ້ນັກທ່ອງທ່ຽວຈີນໄປທ່ຽວມາເລເຊຍໃນປີນີ້ໃຫ້ບັນລຸເຖິງ 4 ລ້ານເທື່ອຄົນ.
ທ່ານ ນາສຣີ ກ່າວຂະນະເຂົ້າຮ່ວມງານລ້ຽງອາຫານຄ່ຳສຳລັບຜູ້ຕາງໜ້າຂະແໜງການທ່ອງທ່ຽວແລະສື່ມວນຊົນວ່າ: ໃນວັນທີ 1 ຕຸລາປີນີ້, ມາເລເຊຍຈະແຂ່ງຂັນແລ່ນມາລາທອນ"ໜຶ່ງແລວທາງໜຶ່ງເສັ້ນທາງ" ເພື່ອຍົກລະດັບພາບພົດຂອງຈຸດໝາຍປາຍທາງການທ່ອງທ່ຽວແລະກິລາແລະໝັ້ນໃຈຈະສາມາດດຶງດູດນັກກິລາສະໝັກຫຼິ້ນຈາກຈີນເຂົ້າຮ່ວມໄດ້ຫຼາຍກວ່າເກົ່າ.
ທ່ານ ນາສຣິ ກ່າວອີກວ່າ: ມາເລເຊຍໄດ້ປະຕິບັດນະໂຍບາຍການຂໍວີຊາສະດວກຂຶ້ນກວ່າເກົ່າ,ຂະນະທີ່ວີຊາເອເລັກໂຕຣນິກ ແລະ ນະໂຍບາຍການອະນຸມັດເຂົ້າເມືອງດ້ວຍເອເລັກໂຕຣນິກ ກໍໄດ້ອຳນວຍຄວາມສະດວກໃຫ້ແກ່ນັກທ່ອງທ່ຽວຈີນໄປທ່ຽວປະເທດຕົນນັບມື້ຫຼາຍຂຶ້ນ.