ຕາມຂ່າວສານຊິນຮວາ: ທ່ານຈ່າງເຕີຈ່ຽງ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະທ່ານຮຸນເຊັນ ນາຍົກລັດຖະມົນຕີກຳປູເຈຍ.
ທ່ານຈ່າງເຕີຈ່ຽງເວົ້າວ່າ, ສາຍພົວພັນຈີນ-ກຳປູເຈຍຖືເປັນແບບຢ່າງມິດຕະພາບຖານບ້ານໃກ້ເຮືອນຄຽງທີ່ດີ ແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ສະພາປະຊາຊົນແຫ່ງຊາດຈີນຍິນດີເພີ່ມທະວີການແລກປ່ຽນແລະຮ່ວມມືກັບສະພາຜູ້ແທນລາສະດອນແລະສະພາສູງກຳປູເຈຍ, ລົງເລິກໂຄສະນາເຜີຍແຜ່ນ້ຳໃຈມິດຕະພາບທີ່ມີມູນເຊື້ອຈີນແລະກຳປູເຈຍ, ສະໜັບສະໜູນການຮ່ວມມືໃນລະດັບທ້ອງຖິ່ນຕ່າງໆລະຫວ່າງສອງປະເທດແລະການຮ່ວມມືໃນຂົງເຂດຊາວໜຸ່ມ, ການສຶກສາ, ການທ່ອງທ່ຽວແລະອື່ນໆ, ສ້າງບັນຍາກາດດ້ານກົດໝາຍແລະຫາງສຽງທີ່ຈົບງາມເພື່ອການຮ່ວມມືຕົວຈິງ ເພື່ອປະກອບສ່ວນຊຸກຍູ້ສາຍພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງຕໍ່ເນື່ອງ.
ທ່ານຮຸນເຊັນກ່າວວ່າ, ກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ແມ່ນກອງປະຊຸມຄັ້ງປະຫວັດສາດ ແລະຂ້າພະເຈົ້າມາຢ້ຽມຢາມຈີນເທື່ອນີ້ກໍມີຄວາມໝາຍພິເສດຕໍ່ການຮັດແໜ້ນສາຍພົວພັນລະຫວ່າງສອງປະເທດ. ກຳປູເຈຍຈະຍຶດໝັ້ນນະໂຍບາຍບັນຫາທີ່ພົວພັນເຖິງຜົນປະໂຫຍດໃຈກາງຂອງຈີນຢ່າງສະເໝີຕົ້ນສະເໝີປາຍ ແລະສະແດງຄວາມຊົມເຊີຍຈີນທີ່ໄດ້ຈັດກອງປະຊຸມຄັ້ງປະຫວັດສາດເທື່ອນີ້.
 |
