ເດືອນມີນາຜ່ານມາ ຈີນຊື້ພັນທະບັດອາເມລິກາເພີ່ມເກືອບ 28 ຕື້ໂດລາ

    ຕາມຂ່າວສານຈີນ: ກະຊວງການເງິນອາເມລິກາເປີດເຜີຍໃນວັນທີ 15 ພຶດສະພານີ້ວ່າ, ເດືອນມີນາຜ່ານມາ, ຈີນໄດ້ຊື້ພັນທະບັດປະເທດຕົນເພີ່ມ 27 ຕື້ 900 ລ້ານໂດລາສະຫະລັດ ເຊິ່ງເປັນເດືອນທີສອງຕິດຕໍ່ກັນທີ່ຈີນເພີ່ມການຊື້ພັນທະບັດອາເມລິກາ.

    ກະຊວງການເງິນອາເມລິກາເປີດເຜີຍອີກວ່າ, ມາຮອດເດືອນມີນາຜ່ານມາ, ຈີນມີພັນທະບັດອາເມລິກາ 1087 ຕື້ 600 ລ້ານໂດລາສະຫະລັດ ເຊິ່ງຫຼຸດລົງ 157 ຕື້ໂດລາເມື່ອທຽບໃສ່ໄລຍະດຽວກັນຂອງປີຜ່ານມາ, ແຕ່ແນວໃດກໍດີ ມາຮອດທ້າຍເດືອນມີນາຜ່ານມາ, ຈີນຍັງຄົງເປັນປະເທດເຈົ້າໜີ້ໃຫຍ່ອັນດັບສອງຂອງປະເທດຕົນ.

    ສ່ວນເລື່ອງການຊື້ຫຼືຂາຍພັນທະບັດອາເມລິການັ້ນ, ທາງການຈີນກ່າວວ່າ, ຕະຫຼາດພັນທະບັດອາເມລິກາແມ່ນຕະຫຼາດສຳຄັນສຳລັບຈີນ, ບໍ່ວ່າການເພີ່ມຊື້ ຫຼື ຂາຍອອກ ລ້ວນແຕ່ເປັນເລື່ອງປົກກະຕິ ເຊິ່ງຈີນຈະປັບປຸງການຊື້ຂາຍຂອງຕົນໃຫ້ດີຂຶ້ນຕາມການປ່ຽນແປງຕ່າງໆໃນຕະຫຼາດ.