ຕາມຂ່າວສານຊິນຮວາ: ກົມການບິນພົນລະເຮືອນຈີນເປີດເຜີຍໃນວັນທີ 16 ເດືອນນີ້ວ່າ, ປັດຈຸບັນ, ຈີນໄດ້ເປີດຖ້ຽວບິນໂດຍກົງກັບ 40 ກວ່າປະເທດຕາມ "ໜຶ່ງແລວທາງໜຶ່ງເສັ້ນທາງ" ໂດຍມີເກືອບ 4200 ຖ້ຽວບິນຕໍ່ອາທິດ; ຂະນະທີ່ຫຼາຍບໍລິສັດການບິນ ເຊັ່ນ AIR CHINA, CHINA SOUTHERN AIRLINES, CHINA EASTERN AIRLINES ເປັນຕົ້ນ ໄດ້ເປັນເຈົ້າບຸກເບີກຕະຫຼາດການບິນຢູ່ຕາມປະເທດ "ໜຶ່ງແລວທາງໜຶ່ງເສັ້ນທາງ" ແລະສາມາດເປີດຖ້ຽວບິນໃໝ່ອີກ 240 ຖ້ຽວ.
ທ່ານວາງສາງຢີ້ ຫົວໜ້າກົມແຜນການພັດທະນາກົມການບິນພົນລະເຮືອນຈີນໄດ້ຖະແຫຼງວ່າ, ມາຮອດທ້າຍປີ 2016, ຈີນໄດ້ລົງນາມໃນຂໍ້ຜູກພັນການຂົນສົ່ງທາງການບິນລະຫວ່າງລັດຖະບານກັບ 120 ປະເທດແລະເຂດແຄວ້ນ, ໃນນັ້ນ ປະເທດຕາມ "ໜຶ່ງແລວທາງໜຶ່ງເສັ້ນທາງ" ໄດ້ກວມເອົາເຄິ່ງໜຶ່ງຂຶ້ນໄປ. ຫຼາຍປີຜ່ານມາໄປພ້ອມກັບການເປີດຖ້ຽວບິນໃໝ່, ບໍລິມາດການຂົນສົ່ງຜູ້ໂດຍສານລະຫວ່າງຊາດ "ໜຶ່ງແລວທາງໜຶ່ງເສັ້ນທາງ" ກໍໄດ້ກວມອັດຕາສ່ວນນັບມື້ຫຼາຍຂຶ້ນ ຄືໄດ້ເພີ່ມຈາກ 39,8% ໃນປີ 2015 ຂຶ້ນເປັນ 47,1% ໃນເດືອນມັງກອນຫາເດືອນເມສາປີ 2017.