ຕາມຂ່າວສານຊິນຮວາ: ຄະນະກຳມະການເສດຖະກິດອາເມລິກາລາຕິນ-ອາຣາອິບອົງການສະຫະປະຊາຊາດ ໄດ້ຖະແຫຼງໃນວັນທີ 16 ພຶດສະພານີ້ວ່າ, ທ່ານນາງ ອາລີເຊຍ ບາເຊນາ ເລຂາບໍລິຫານງານຄະນະກຳມະການຂອງຕົນ ຮຽກຮ້ອງໃຫ້ປະເທດອາເມລິກາລາຕິນ-ກາຣາອິບ ເຂົ້າຮ່ວມຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".
ທ່ານນາງ ບາເຊນາ ກ່າວວ່າ, ຈີນແມ່ນເພື່ອນມິດແລະຄູ່ຮ່ວມມືຍຸດທະສາດຂອງພວກເຮົາ ເຊິ່ງພວກເຮົາຫວັງໄດ້ຮັບການສະໜັບສະໜູນແລະຊີ້ນຳຂອງຈີນ. ປັດຈຸບັນ ປະເທດອາເມລິກາລາຕິນ-ກາຣາອິບພວມພົບໂອກາດຄັ້ງປະຫວັດສາດໃນການເພີ່ມທະວີການພົວພັນກັບຈີນແລະກຸ່ມເສດຖະກິດອື່ນໆໃນອາຊີ ແລະເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ກໍໄດ້ມີຂໍ້ສະເໜີເຊື່ອມຕໍ່ອະລິຍະທຳແລະຮ່ວມກັນຈະເລີນຮຸ່ງເຮືອງໃຫ້ພວກເຮົາ.
ຄະນະກຳມະການດັ່ງກ່າວເຫັນວ່າ, ອາເມລິກາລາຕິນ ໄດ້ພົບໂອກາດໃຫຍ່ໃນການເພີ່ມທະວີການພົວພັນທາງເສດຖະກິດແລະການຮ່ວມມືກັບຈີນ ແລະຜົນການຄົ້ນຄວ້າຂອງຄະນະກຳມະການຕົນສະແດງໃຫ້ເຫັນວ່າ, ນັບແຕ່ເຂົ້າສູ່ສະຕະວັດທີ 21 ເປັນຕົ້ນມາ, ຈີນໄດ້ກາຍເປັນຄູ່ການຄ້າຕົ້ນຕໍຂອງອາເມລິກາລາຕິນ.
 |
