ເຈົ້າໜ້າທີ່ກົມສຳຫຼວດທໍລະນີ ກະຊວງທີ່ດິນແລະຊັບພະຍາກອນຈີນປະກາດຢູ່ທະເລຈີນໃຕ້ວ່າ, ໄດ້ປະສົບຜົນສຳເລັດໃນການທົດລອງຂຸດຄົ້ນນ້ຳກ້ອນທີ່ໄໝ້ໄດ້ຢູ່ເຂດທະເລທາງທິດເໜືອທະເລຈີນໃຕ້ ເຊິ່ງຜົນສຳເລັດດັ່ງກ່າວເປັນຂີດໝາຍສະແດງໃຫ້ເຫັນວ່າ ຈີນໄດ້ກາຍເປັນປະເທດທຳອິດທີ່ເອົາໃຈໃສ່ຂຸດຄົ້ນນ້ຳກ້ອນທີ່ໄໝ້ໄດ້ຢູ່ທະເລຢ່າງຕໍ່ເນື່ອງແລະແຂງແຮງ.
ນ້ຳກ້ອນທີ່ໄໝ້ໄດ້ກະຈາຍຢູ່ພື້ນທະເລເລິກ ຫຼື ດິນນ້ຳກ້ອນທາງບົກ, ແມ່ນວັດຖຸແບບແກ້ວຄ້າຍຄືນ້ຳກ້ອນທີ່ກໍ່ຕົວຂຶ້ນຈາກອາຍແກັສທຳມະຊາດແລະນ້ຳພາຍໃຕ້ເງື່ອນໄຂຄວາມດັນສູງແລະອຸນຫະພູມອາກາດຕ່ຳ, ຫຼັງຈາກໄໝ້ແລ້ວ ກໍເຫຼືອແຕ່ກາກບອນດີອົກຊິດແລະນ້ຳໃນປະລິມານໜ້ອຍ ມີສິ່ງມົນລະພິດໜ້ອຍກວ່າຖ່ານຫີນ,ນ້ຳມັນເຊື້ອໄຟແລະອາຍແກັສທຳມະຊາດ, ປະສິດທິພາບຊ້ຳກໍສູງກວ່າ 10 ເທົ່າ. ນອກນີ້, ນ້ຳກ້ອນທີ່ໄໝ້ໄດ້ ກໍມີປະລິມານສະສົມຢ່າງຫຼວງຫຼາຍ ແລະຍອດປະລິມານຊັບພະຍາກອນກາກບອນທີ່ມີຈຸລິນຊີຢູ່ໃນນ້ຳກ້ອນທີ່ໄໝ້ໄດ້ນັ້ນ ເທົ່າກັບ 2 ເທົ່າຂອງຍອດປະລິມານຖ່ານຫີນ, ນ້ຳມັນເຊື້ອໄຟ ແລະອາຍແກັສທຳມະຊາດທີ່ໄດ້ຮູ້ແລ້ວທັງໝົດໃນໂລກ ຈຶ່ງເຮັດໃຫ້ສາກົນຮັບຮູ້ເປັນພະລັງງານທົດແທນນ້ຳມັນເຊື້ອໄຟແລະອາຍແກັສທຳມະຊາດໂດຍທົ່ວໄປ.
