ຕາມຂ່າວສານຊິນຮວາ: ປັດຈຸບັນ, ຈີນໄດ້ກາຍເປັນປະເທດທີ່ຜະລິດຊາຫຼາຍທີ່ສຸດ ແລະເປັນຕະຫຼາດບໍລິໂພກຊາໃຫຍ່ທີ່ສຸດຂອງໂລກ. ປີ 2016, ຈີນມີເນື້ອທີ່ປູກຊາເຖິງ 2 ລ້ານ 8 ແສນ 7 ໝື່ນເຮັກຕາ ແລະຜະລິດຊາໄດ້ເຖິງ 2 ລ້ານ 4 ແສນກວ່າໂຕນ ເປັນອັນດັບໜຶ່ງຂອງໂລກ ແລະມີການບໍລິໂພກຊາຫຼາຍກວ່າ 2 ລ້ານໂຕນ.
ທ່ານຫານສາງຟູ້ ລັດຖະມົນຕີກະຊວງກະສິກຳຈີນກ່າວໃນພິທີເປີດງານວາງສະແດງຊາສາກົນຈີນຄັ້ງທຳອິດທີ່ຈັດຂຶ້ນໃນວັນທີ 18 ເດືອນນີ້ວ່າ, ການພັດທະນາຂະແໜງການຊາຂອງຈີນ ເປັນເນື້ອໃນສຳຄັນໃນການປະຕິຮູບດ້ານການສະໜອງຂອງຂະແໜງການກະສິກຳ, ແມ່ນຊ່ອງທາງສຳຄັນໃນການຫຼຸດຜ່ອນຄວາມທຸກຍາກ ແລະເປັນໜ້າທີ່ສຳຄັນໃນການພັດທະນາຂະແໜງການກະສິກຳທັນສະໄໝ. ຂະແໜງການຊາໄດ້ກາຍເປັນ ເສົາຄ້ຳດ້ານກະສິກຳແລະແຫຼ່ງລາຍຮັບສຳຄັນຂອງກະສິກອນໃນຫຼາຍປະເທດ ໂດຍສະເພາະປະເທດພວມພັດທະນາ ແລະວັດທະນະທຳຂອງຊາກໍໄດ້ກາຍເປັນຊັບສົມບັດທາງຈິດໃຈຂອງທົ່ວໂລກ.
ງານວາງສະແດງຊາສາກົນຈີນທີ່ຈັດຂຶ້ນຄັ້ງທຳອິດນີ້ ແນໃສ່ເຮັດໃຫ້ຊາທີ່ດີມີຄຸນນະພາບຂອງຈີນກ້າວໄປສູ່ໂລກ ແລະຊາທີ່ດີຂອງໂລກເຂົ້າມາຈີນ.