ຕາມຂ່າວສານຈີນ: ຈີນແລະບັນດາປະເທດໃນອາຊຽນໄດ້ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສຄັ້ງທີ 14 ແລະກອງປະຊຸມໜ່ວຍງານປະສົມຄັ້ງທີ 21 ເພື່ອຜັນຂະຫຍາຍ "ຄຳຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້" ຢູ່ເມືອງກຸ້ຍຢ໋າງແຂວງກຸ້ຍໂຈວ່ຈີນແຕ່ວັນທີ 17 ຫາ 18 ເດືອນນີ້ ເຊິ່ງກອງປະຊຸມໄດ້ພິຈາລະນາແລະຜ່ານຂອບ "ກົດແຫ່ງການປະພຶດຢູ່ທະເລຈີນໃຕ້" ແລະຝ່າຍຕ່າງໆໄດ້ເນັ້ນວ່າ ນີ້ເປັນຜົນງານຕາມຂັ້ນຕອນສຳຄັນໃນການປຶກສາຫາລືກ່ຽວກັບກົດດັ່ງກ່າວ ແລະເປັນການສ້າງພື້ນຖານທີ່ໜັກແໜ້ນໃຫ້ແກ່ການປຶກສາຫາລືກ່ຽວກັບກົດດັ່ງກ່າວໃນຂັ້ນຕໍ່ໄປ.
ເຈົ້າໜ້າທີ່ຂັ້ນສູງກະຊວງການຕ່າງປະເທດຈີນແລະ 10 ປະເທດອາຊຽນທີ່ເຂົ້າຮ່ວມກອງປະຊຸມ ໄດ້ລົງເລິກປຶກສາຫາລືຢ່າງກົງໄປກົງມາກ່ຽວກັບການປະຕິບັດຕາມ "ຄຳຖະແຫຼງການ"ຢ່າງມີປະສິດທິຜົນແລະຮອບດ້ານ, ເພີ່ມທະວີການຮ່ວມມືຕົວຈິງທາງທະເລ, "ກົດແຫ່ງການປະພຶດຢູ່ທະເລຈີນໃຕ້" ແລະຫົວຂໍ້ອື່ນໆ ແລະໄດ້ປະສົບຜົນສຳເລັດຕາມເປົ້າໝາຍ, ຂະນະດຽວກັນ ບັນດາຝ່າຍໄດ້ຢ້ຳເຖິງຄວາມສຳຄັນໃນການປະຕິບັດຕາມ "ຄຳຖະແຫຼງການ" ຢ່າງຮອບດ້ານແລະມີປະສິດທິພາບ ທັງເນັ້ນຈະຍຶດໝັ້ນແກ້ໄຂຄວາມຂັດແຍ້ງຢູ່ທະເລຈີນໃຕ້ໂດຍສັນຕິ, ເປັນການປຶກສາຫາລືແລະເຈລະຈາຄວບຄຸມຄວາມຂັດແຍ້ງກັນຕາມກົດລະບຽບຂອງພາກພື້ນ, ລົງເລິກການຮ່ວມມືຕົວຈິງທາງທະເລ, ຊຸກຍູ້ການປຶກສາຫາລືກ່ຽວກັບ "ກົດແຫ່ງການປະພຶດຢູ່ທະເລຈີນໃຕ້" ແລະຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້.
 |
