ວິທະຍຸສາກົນແຫ່ງປະເທດຈີນລາຍງານວ່າ:ຫວ່າງມໍ່ໆນີ້,ທ່ານນາງອ້າຍຫຼິນ ນັກຂຽນປຶ້ມ "ໂຮງງານໂລກຕໍ່ໄປ"ໄດ້ຂຽນບົດຄວາມພິມລົງໃນໜັງສືພິມຊາວອາຟລິກາຕາເວັນອອກໂດຍລະບຸວ່າ,ການລົງທຶນຂອງຈີນຈະສ້າງອາຟລິກາຄືນໃໝ່ແລະຊຸກຍູ້ໃຫ້ກາຍເປັນໂຮງງານໂລກຕໍ່ໄປ.
ບົດຄວາມຂຽນວ່າ,ຫຼາຍປີມານີ້,ການລົງທຶນໃນຂະແໜງການຜະລິດຂອງຈີນຢູ່ອາຟລິກາໄດ້ເພີ່ມຂຶ້ນຢ່າງວ່ອງໄວໂດຍມາຮອດປັດຈຸບັນ ວິສາຫະກິດເອກະຊົນຈີນທີ່ເຂົ້າໄປລົງທຶນເຂົ້າໃນຂະແໜງການຜະລິດຢູ່ອາຟລິກາແຕ່ລະປີມີຫຼາຍກວ່າ 150 ໂຄງການແລະໄດ້ກາຍເປັນທ່າແຮງສຳຄັນໃນການຊຸກຍູ້ປະເທດອາຟລິກາເລັ່ງຂະບວນການຫັນເປັນອຸດສາຫະກຳ ຂະນະດຽວກັນການລົງທຶນຂອງຈີນໄດ້ເພີ່ມໂອກາດການສ້າງວຽກເຮັດງານທຳໃຫ້ແກ່ທ້ອງຖິ່ນພ້ອມທັງໄດ້ສ້າງຫົວກະທິທຸລະກິດຮຸ່ນໃໝ່ໃຫ້ແກ່ອາຟລິກາ.
ບົດຄວາມເຫັນວ່າ,ການຫັນເປັນອຸດສາຫະກຳເຖິງຈະເປັນທາງເກົ່າ,ແຕ່ກໍຍັງຄົງເປັນເສັ້ນທາງໜຶ່ງດຽວທີ່ປະເທດດ້ອຍພັດທະນາໃນປັດຈຸບັນບັນລຸການພັດທະນາສັງຄົມແລະຍົກລະດັບຊີວິດການເປັນຢູ່ຂອງປະຊາຊົນ.ແນວໃດກໍດີ,ທຶນ,ເຕັກນິກແລະປະສົບການຂອງຈີນຈະເປັນບົດຮຽນໃຫ້ປະເທດອາຟລິກາບັນລຸການຫັນເປັນອຸດສາຫະກຳໂດຍໄວແລະແກ້ໄຂບັນຫາຄວາມທຸກຍາກຢູ່ແຜ່ນດິນໃຫຍ່ອາຟລິກາແລະບັນຫາຫຍຸ້ງຍາກອື່ນໆໄດ້ເປັນຢ່າງດີ.
 |
