ວັນທີ 22 ພຶດສະພານີ້, ລະບົບການຈ່າຍ Alipay ໄດ້ເລີ່ມນຳໃຊ້ຢ່າງເປັນທາງການຢູ່ມາເລເຊຍ ໂດຍບໍລິສັດ 7-11(Seven-Eleven) ຍີ່ປຸ່ນຈຳກັດໄດ້ກາຍເປັນບໍລິສັດຂາຍຍ່ອຍທີ່ໃຊ້ລະບົບນີ້ທຳອິດ.
ໂຄສົກບໍລິສັດ 7-11(Seven-Eleven) ກ່າວວ່າ: ບໍລິສັດຕົນໄດ້ເປີດ ສາຂາ 2.100 ຮ້ານຢູ່ມາເລເຊຍ ແລະກໍມີກວ່າ 2.000 ຮ້ານໄດ້ເລີ່ມໃຊ້ລະບົບການຈ່າຍ Alipay ໂດຍເລີ່ມແຕ່ວັນທີ 12 ພຶດສະພາເປັນຕົ້ນມາ, ຂະນະດຽວກັນກໍຄາດວ່າແຕ່ວັນທີ 24 ເດືອນນີ້ເປັນຕົ້ນໄປຈະສາມາດນຳໃຊ້ໄດ້ທົ່ວປະເທດມາເລເຊຍ.
ໃນເດືອນພະຈິກປີ 2016 ໂດຍຕອບສະໜອງຕາມຄຳເຊີນຂອງທ່ານ ນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍ, ທ່ານ ໝ້າຢຸນ ຜູ້ສ້າງຕັ້ງບໍລິສັດເຕັກໂນໂລຊີອິນເຕີເນັດ Alibaba ຈີນຈຳກັດໄດ້ຮັບໜ້າທີ່ເປັນທີ່ປຶກສາຄະນະກຳມະການເສດຖະກິດດີຈີຕອນຂອງລັດຖະບານມາເລເຊຍ ຫວັງຍົກລະດັບການພັດທະນາປະເທດໃນຂົງເຂດເສດຖະກິດດີຈີຕອນໂດຍສະເພາະການຄ້າເອເລັກໂຕຣນິກ.