ກອງທະຫານຈີນຊຸດ 16 ເດີນທາງໄປຮັກສາສັນຕິພາບຢູ່ລີບັງແລ້ວ

ຕາມຂ່າວສານຊິນຮວາ: ກອງທະຫານຈີນທີ່ໄປຮັກສາສັນຕິພາບຢູ່ລີບັງຊຸດທີ 16 ໄດ້ເຂົ້າຮັບໜ້າທີ່ແທນຊຸດທີ 15 ຢູ່ຄ້າຍທະຫານຈີນບ້ານຮິນນີຢາພາກໃຕ້ປະເທດດັ່ງກ່າວໃນວັນທີ 22 ພຶດສະພານີ້.
ຕະຫຼອດໄລຍະໜຶ່ງປີ,ນາຍແລະພົນທະຫານຈີນທີ່ຮັກສາສັນຕິພາບຢູ່ລີບັງຊຸດທີ 15 ໄດ້ເຮັດສຳເລັດໜ້າທີ່ຕ່າງໆຂອງຕົນເປັນຢ່າງດີເປັນຕົ້ນການເກັບກູ້ລະເບີດ,ການກໍ່ສ້າງແລະຮັກສາພື້ນຖານໂຄງລ່າງຕ່າງໆ,ການຊ່ວຍເຫຼືອທາງການແພດແລະອື່ນໆ.ຈາກນີ້ໜ່ວຍທະຫານຊ່າງແສງ,ໜ່ວຍທະຫານແພດແລະໜ່ວຍທະຫານກໍ່ສ້າງຂອງກອງທະຫານຊຸດນີ້ລວມ 410 ຄົນໄດ້ຮັບ "ຫຼຽນກຽດຕິຍົດສັນຕິພາບ" ຈາກສະຫະປະຊາຊາດ,ນອກນີ້ໜ່ວຍທະຫານຊ່າງແສງຍັງໄດ້ຮັບ "ໃບກຽດຕິຄຸນບັງຊາການ" ທີ່ເປັນລາງວັນກຽດຕິຄຸນລວມໝູ່ສູງສຸດຈາກກອງທະຫານອົງການສະຫະປະຊາຊາດປະຈຳລີບັງຕື່ມອີກ.