ຕາມຂ່າວສານຈີນ: ບໍລິສັດ ACCA ແລະຕະຫຼາດຫຸ້ນຊຽງໄຮ້ຈີນເຜີຍແຜ່ບົດລາຍງານ "ໜຶ່ງແລວທາງໜຶ່ງເສັ້ນທາງ: ສ້າງເຄືອຂ່າຍມູນຄ່າທົ່ວໂລກຄືນໃໝ່" ໃນວັນທີ 23 ເດືອນນີ້ວ່າ, ປະເທດໃນອາຊີຕາເວັນອອກສຽງໃຕ້ແລະອາຊີຕາເວັນອອກສຽງເໜືອໄດ້ຮ່ວມມືຢ່າງແໜ້ນແຟ້ນຕາມຂອບ "ໜຶ່ງແລວທາງໜຶ່ງເສັ້ນທາງ".
ການສຶກສາຄົ້ນຄວ້າຮ່ວມເທື່ອນີ້ໄດ້ເນັ້ນການວິເຄາະສະພາບການ, ກອງປະຊຸມໂຕະມົນ ແລະອື່ນໆ ໂດຍປະສານສົມທົບບົດຮຽນຂອງປະເທດຕົນ, ສະຖານະການສາກົນ, ຜົນສຳເລັດໃນປະຫວັດສາດ ແລະການພັດທະນາໃນອະນາຄົດ ເພື່ອຄົ້ນຄວ້າການສ້າງ "ໜຶ່ງແລວທາງໜຶ່ງເສັ້ນທາງ" ວ່າຈະມີຜົນສະທ້ອນແນວໃດຕໍ່ປະເທດແລະເຂດແຄວ້ນທີ່ຢູ່ຕາມ "ໜຶ່ງແລວທາງໜຶ່ງເສັ້ນທາງ". ການຄົ້ນຄວ້າດັ່ງກ່າວຈະສຳເລັດໃນປີ 2018 ແລະບົດລາຍງານດັ່ງກ່າວເປັນຜົນການຄົ້ນຄວ້າໄລຍະທຳອິດ.
ບົດລາຍງານຊີ້ອອກວ່າ, ສິງກະໂປ, ມາເລເຊຍ, ເອມີເຣດອາຣັບ, ໂປໂລຍ, ສ.ເຊັກ, ກາຕາ, ຮົງກາລີ, ໄທ, ຫວຽດນາມ ແລະຣັດເຊຍເປັນ 10 ປະເທດທີ່ມີການຮ່ວມມືແໜ້ນແຟ້ນຫຼາຍກວ່າໝູ່ຕາມຂອບ "ໜຶ່ງແລວທາງໜຶ່ງເສັ້ນທາງ".
 |
