ນັກສຶກສາລາຊະມະຫາວິທະຍາໄລພະນົມເປັນໄດ້ຮັບທຶນຈາກທະນາຄານຈີນປະຈຳພະນົມເປັນໃນວັນທີ 25 ພຶດສະພານີ້ເພື່ອເຂົ້າຮ່ວມກອງປະຊຸມສະມັດຊາໃຫຍ່ອົງການສະຫະປະຊາຊາດຈຳລອງສາກົນ 2017 ຢູ່ນະຄອນຫຼວງປັກກິ່ງ.
ທ່ານເສິນສາງຈ່ຽງ ຜູ້ວ່າການທະນາຄານຈີນປະຈຳພະນົມເປັນຢືນຢັນວ່າ ນັບແຕ່ມື້ສ້າງຕັ້ງສາຂາຢູ່ປະເທດດັ່ງກ່າວເປັນຕົ້ນມາກໍໄດ້ຮັບການສະໜັບສະໜູນຈາກລັດຖະບານ,ທະນາຄານກາງກຳປູເຈຍແລະບຸກຄົນໃນວົງການຕ່າງໆ ຈິ່ງເຮັດໃຫ້ທຸລະກິດໄດ້ຮັບການພັດທະນາຢ່າງປອດໃສວ່ອງໄວແລະຕໍ່ເນື່ອງ. ຈາກນີ້,ທະນາຄານຕົນຈະຊ່ວຍເຫຼືອລາຊະມະຫາວິທະຍາໄລພະນົມເປັນຫຼາຍດ້ານແລະຫຼາຍຊ່ອງທາງເພື່ອສະໜອງທຶນສະເພາະບຳລຸງກໍ່ສ້າງນັກສຶກສາແລະຊ່ວຍຄູອາຈານເດີນທາງໄປສຶກສາຄົ້ນຄວ້າຍົກລະດັບຢູ່ຈີນທັງເປີດໂອກາດໃຫ້ນັກສຶກສາຝຶກງານໃນທະນາຄານ ແລະເປີດກວ້າງການຮ່ວມມືກັບມະຫາວິທະຍາດັ່ງກ່າວເພື່ອສ້າງນັກວິຊາການທະນາຄານລະດັບສູງໃຫ້ແກ່ຂະແໜງການທະນາຄານກຳປູເຈຍ.
ຮອງອະທິການບໍດີລາຊະມະຫາວິທະຍາໄລພະນົມເປັນໄດ້ສະແດງຄວາມຂອບໃຈທະນາຄານຈີນປະຈຳພະນົມເປັນທີ່ສະໜັບສະໜູນທຶນດັ່ງກ່າວແລະຫວັງເພີ່ມທະວີການຮ່ວມມືລະຫວ່າງສອງຝ່າຍ.
 |
