ກອງທັບລັດຖະບານຟີລິບປິນໃຫ້ຮູ້ວ່າ: ໃນຕອນຂ້ອນແຈ້ງວັນທີ 25 ພຶດສະພານີ້,ກົມຂອງຕົນຢູ່ແຂວງຊຸຣູທາງພາກໃຕ້ໄດ້ຖືກກຸ່ມຫົວຮຸນແຮງອາບູ ຊາຢາບໂຈມຕີ ສົ່ງຜົນເຮັດໃຫ້ທະຫານ 1 ຄົນເສຍຊີວິດ ແລະ 10 ຄົນບາດເຈັບ.
ທ່ານ ໂຈອານ ເປຕິງໄລ ໂຄສົກຖານທັບມິນດານາວຕາເວັນຕົກຂອງກອງທັບຟີລິບປິນກ່າວວ່າ: ໃນເວລາ 5 ໂມງ 20 ນາທີຂອງມື້ດັ່ງກ່າວ, ກອງທະຫານຣາບທີ 10 ຂອງກອງທັບລັດຖະບານໄດ້ຖືກໂຈມຕີຂະນະທີ່ໄລ່ລ່າຜູ້ປະກອບອາວຸດທີ່ໄດ້ຈັບຕົວປະກັນກຸ່ມໜຶ່ງຢູ່ເມືອງນ້ອຍປາຕີກຸນແຂວງຊຸຣູ ຫຼັງສອງຝ່າຍໄດ້ປະທະກັນຢ່າງດຸເດືອດເປັນເວລາ 15 ຫາ 20 ນາທີ ເຮັດໃຫ້ທະຫານຂອງກອງທັບ 11 ຄົນບາດເຈັບ ແລະ 1 ຄົນໄດ້ເສຍຊີວິດ.
ທ່ານ ໂຈອ່ານ ເປຕິງໄລ ກ່າວວ່າ: ກອງທັບລັດຖະບານຟີລິບປິນໄດ້ໄລ່ລ່າຜູ້ປະກອບອາວຸດອາບູ ຊາຢາບຢ່າງຕໍ່ເນື່ອງ.
 |
