ຕາມຂ່າວCRI: ຕາມສຳນັກຂ່າວສານອີຣານລາຍງານໃນວັນທີ 29 ພຶດສະພານີ້ວ່າ: ກອງປະຊຸມເວທີປຶກສາຫາລືເສດຖະກິດໂລກໄດ້ເຜີຍແຜ່ບົດລາຍງານສະບັບໜຶ່ງໃນເດືອນພຶດສະພານີ້ໂດຍສະແດງໃຫ້ເຫັນວ່າ: ອີຣານເປັນໜຶ່ງໃນປະເທດຈຸດໝາຍປາຍທາງແຫ່ງການທ່ອງທ່ຽວທີ່ປະຢັດເງິນທີ່ສຸດຢູ່ໃນໂລກ,ເວົ້າສຳລັບນັກທ່ອງທ່ຽວຕ່າງປະເທດແລ້ວກໍເປັນໜຶ່ງໃນຈຸດໝາຍປາຍທາງແຫ່ງການທ່ອງທ່ຽວທີ່ປອດໄພທີ່ສຸດຢູ່ໃນໂລກ.
ຕາມການລາຍງານໃຫ້ຮູ້ວ່າ: ເວທີປຶກສາຫາລືເສດຖະກິດໂລກໄດ້ສຳຫຼວດກວດກາຕໍ່ສະພາບຂອງປະເທດຈຸດໝາຍປາຍທາງການທ່ອງທ່ຽວຂອງທົ່ວໂລກ ເຊິ່ງມີເນື້ອໃນກວມເຖິງຫຼາຍດ້ານເຊັ່ນ: ຄ່າໃຊ້ຈ່າຍດ້ານການທ່ອງທ່ຽວ,ພື້ນຖານໂຄງລ່າງ,ການບໍລິການສາທາລະນະ,ຄວາມປອດໄພໃນການຂົນສົ່ງຄົມມະນາຄົມແລະດ້ານອື່ນໆ,ສຸດທ້າຍໄດ້ຮັບອັນດັບໃນໂລກຕາມຄະແນນທີ່ບັນດາປະເທດຕ່າງໄດ້ຮັບ.
ບົດລາຍງານດັ່ງກ່າວຂຽນວ່າ: ຄ່າໃຊ້ຈ່າຍຂອງນັກທ່ອງທ່ຽວຕ່າງປະເທດທີ່ໄປທ່ຽວອີຣານຢູ່ລະຫວ່າງ 25 ຫາ 600 ໂດລາສະຫະລັດຕໍ່ມື້,ເປັນອັນດັບໜຶ່ງໃນຈຳນວນ 136 ປະເທດ ແລະໄດ້ຄອງຖານະອັນດັບ 1 ໃນຂົງເຂດດັ່ງກ່າວໃນ 3 ປີລຽນຕິດ.