ຂໍ້ມູນກ່ຽວກັບຕະຫຼາດທ່ອງທ່ຽວໃນໄລຍະບຸນຕ່ວນອູປີ 2017 ຂອງກົມທ່ອງທ່ຽວແຫ່ງຊາດຈີນສະແດງໃຫ້ເຫັນວ່າ, ໃນວັນພັກບຸນຕ່ວນອູສອງມື້ທຳອິດທີ່ຜ່ານມາ, ໃນທົ່ວປະເທດຈີນ, ໄດ້ຕ້ອນຮັບນັກທ່ອງທ່ຽວທັງໝົດ 66 ລ້ານ 3 ແສນເທື່ອຄົນ, ສ້າງລາຍຮັບຈາກການທ່ອງທ່ຽວ 26 ຕື້ 900 ລ້ານຢວນ.
ຕະຫຼາດການທ່ອງທ່ຽວໃນໄລຍະບຸນຕ່ວນອູ ມີຈຸດພິເສດພື້ນຖານດັ່ງນີ້: ຈຳນວນຜູ້ໄປທ່ຽວຊານເມືອງເພີ່ມຂຶ້ນຫຼາຍກວ່າເກົ່າ, ນັກທ່ອງທ່ຽວກັບບ້ານໄວກວ່າ, ລະບຽບການຂອງຕະຫຼາດໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ.
ໃນດ້ານການອອກໄປທ່ຽວຕ່າງປະເທດ, ຍ້ອນວ່າ ຈຸດໝາຍປາຍທາງແຫ່ງການທ່ອງທ່ຽວ ເຊັ່ນ ສິງກະໂປ, ເຂດພິເສດຮົງກົງ, ຍີ່ປຸ່ນ, ເກາະບາຫຼີແລະແຫ່ງອື່ນໆມີເອກະລັກການທ່ອງທ່ຽວທີ່ເໝາະສົມກັບຄອບຄົວ, ສະນັ້ນ, ບ່ອນເຫຼົ່ານີ້ຈຶ່ງໄດ້ຮັບຄວາມນິຍົມຫຼາຍ.