ການຊ່ວງເຮືອສາກົນຈີນ-ອາຊຽນຊິງຂັນ "ຫວຍກິລາຈີນ"ຄັ້ງທີ 13 ໄດ້ຈັດຂຶ້ນຢູ່ສວນສາທາລະນະໜານຫູເມືອງນານນິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນໃນວັນທີ 30 ພຶດສະພານີ້ໂດຍມີສີພາຍຈາກໄທ,ອິນໂດເນເຊຍພ້ອມປະເທດແລະເຂດແຄວ້ນອື່ນໆຮ່ວມແຂ່ງຂັນກັບສີພາຍຊາວຈີນ 60 ກວ່າທີມໂດຍທີມຊ່ວງເຮືອອິນໂດເນເຊຍ12ສີພາຍສາກົນໂອເພິນໄດ້ແຊ໊ມໃນລາຍການ 200 ແມັດຂະນະທີ່ທີມມະຫາວິທະຍາໄລຊົນເຜົ່າກວາງຊີ 22 ສີພາຍໄດ້ແຊ໊ມໃນລາຍການ 200 ແມັດ.
ທ່ານກ່າວສຽງ ຮອງຫົວໜ້າພະແນກກິລາເມືອງນານນິງບອກນັກຂ່າວວ່າ: ນີ້ເປັນເທື່ອສຸດທ້າຍທີ່ການຊ່ວງເຮືອສາກົນຈີນ-ອາຊຽນຈັດຂຶ້ນຢູ່ເຂດນ້ຳສວນສາທາລະນະໜານຫູ ແລະເລີ່ມແຕ່ປີໜ້າເປັນຕົ້ນໄປ ຈະໄປຈັດຢູ່ແມ່ນ້ຳຢົ່ງຈ່ຽງໂດຍການຊ່ວງເຮືອຢູ່ແມ່ນ້ຳຢົ່ງຈ່ຽງທີ່ສວຍສົດງົດງາມຈະປະສົມປະສານເຂົ້າກັບວັດທະນະທຳ,ການທ່ອງທ່ຽວ,ກິລາແລະການບັນເທີງ ແລະກາຍເປັນການສັງສັນກິລາໜ້ານ້ຳ, ເປັນເວທີສະແດງກິລາພື້ນເມືອງແລະເປັນປ່ອງຢ້ຽມສະແດງທິວທັດທຳມະຊາດທີ່ສວຍງາມ.