ຕາມຂ່າວສານຊິນຮວາ: ທ່ານໂທມາສ ແລັມບົງ ປະທານຄະນະກຳມະການປະສານງານການລົງທຶນອິນໂດເນເຊຍໃຫ້ສຳພາດຕໍ່ນັກຂ່າວໃນມໍ່ໆນີ້ວ່າ, ອິນໂດເນເຊຍຄວນກຳໂອກາດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເພື່ອພັດທະນາເສດຖະກິດຂອງປະເທດຕົນ.
ທ່ານໂທມາສກ່າວວ່າ, ອິນໂດເນເຊຍເປັນປະເທດໝູ່ເກາະທີ່ໃຫຍ່ທີ່ສຸດໃນໂລກ ແລະກໍແມ່ນປະເທດທາງຜ່ານຂອງເສັ້ນທາງສາຍໄໝທາງທະເລ. ປັດຈຸບັນ, ລັດຖະບານອິນໂດເນເຊຍພວມວາງແຜນແລະກະກຽມສ້າງເຂດເສດຖະກິດກວມລວມຄົບວົງຈອນໜຶ່ງຫາສອງແຫ່ງທີ່ຄ້າຍຄືກັບ "ແລວທາງເສດຖະກິດຈີນ-ປາກິສະຖານ" ໂດຍອີງໃສ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".
ທ່ານໂທມາສສະແດງຄວາມຊົມເຊີຍຕໍ່ການຮ່ວມມືທາງເສດຖະກິດລະຫວ່າງອິນໂດເນເຊຍກັບຈີນທີ່ໄດ້ຮັກສາທ່ວງທ່າຂະຫຍາຍຕົວຢ່າງແຂງແຮງ ທັງໄດ້ກ່າວວ່າ, ຫຼາຍປີຜ່ານມາ, ການລົງທຶນຂອງຈີນຢູ່ອິນໂດເນເຊຍໄດ້ເປັນສ່ວນສຳຄັນເຮັດໃຫ້ລາຍຮັບງົບປະມານເພີ່ມຂຶ້ນ ແລະກໍຫວັງວ່າຈີນຈະເຂົ້າໄປລົງທຶນຢ່າງຕໍ່ເນື່ອງ.
 |
