ຮົງກົງຖືກຈັດໃຫ້ເປັນກຸ່ມເສດຖະກິດທີ່ມີກຳລັງແຂ່ງຂັນຫຼາຍກວ່າໝູ່ໃນໂລກໃນສອງປີຕິດຕໍ່ກັນ

ຕາມຂ່າວສານຈີນ: ສະຖາບັນຄຸ້ມຄອງສາກົນໂລຊັງສະວິສ ໄດ້ເປີດເຜີຍ "ບົດລາຍງານກ່ຽວກັບກຳລັງແຂ່ງຂັນຂອງໂລກປີ 2017" ໃນວັນທີ 31 ພຶດສະພາຜ່ານມາວ່າ, ຮົງກົງຍັງຄົງສືບຕໍ່ຄອງອັນດັບໜຶ່ງຈາກ 63 ກຸ່ມເສດຖະກິດທົ່ວໂລກທີ່ຖືກຈັດອັນດັບ, ຖັດມາແມ່ນສະວິສ, ສິງກະໂປ ແລະອາເມລິກາ. ນີ້ແມ່ນເທື່ອທີສອງທີ່ຮົງກົງໄດ້ຖືກຈັດໃຫ້ເປັນກຸ່ມເສດຖະກິດທີ່ມີກຳລັງແຂ່ງຫຼາຍກວ່າໝູ່ຂອງໂລກ.

ບົດລາຍງານດັ່ງກ່າວໄດ້ຈັດອັນດັບທຸກໆກຸ່ມເສດຖະກິດຕາມ 4 ປັດໄຈກຳລັງແຂ່ງຂັນຄື: ສະພາບການເຕີບໂຕຂອງເສດຖະກິດ, ປະສິດທິພາບຂອງລັດຖະບານ, ປະສິດທິພາບດ້ານທຸລະກິດການຄ້າ ແລະການກໍ່ສ້າງພື້ນຖານໂຄງລ່າງ, ໃນນັ້ນ, ຮົງກົງໄດ້ຈາກທີ 5 ຫຼຸດລົງເປັນທີ 11 ໃນດ້ານສະພາບການເຕີບໂຕຂອງເສດຖະກິດ ເຊິ່ງສ່ອງແສງໃຫ້ເຫັນວ່າ ການເຕີບໂຕຂອງເສດຖະກິດຮົງກົງອ່າວຊ້າໜ້ອຍໜຶ່ງເມື່ອທຽບໃສ່ ປີ 2015 ຫຼັງໄດ້ຮັບຜົນກະທົບຈາກຄວາມບໍ່ໝັ້ນທ່ຽງຈາກພາຍນອກ.