ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 5 ມິຖຸນານີ້,ບາເລນ,ອາຣະບີຊາອຸດິດ,ສະຫະລັດອາຣັບເອມິເຣດແລະເອຢິບໄດ້ປະກາດຕັດສາຍສຳພັນການທູດກັບກາຕາຫຼັງເຫັນວ່າກາຕາໄດ້ສະໜັບສະໜູນການເຄື່ອນໄຫວລັດທິກໍ່ການຮ້າຍແລະທຳລາຍສະຖານະການຄວາມໝັ້ນຄົງຂອງພາກພື້ນ.
ລັດຖະບານບາເລນປະກາດໃນວັນທີ 5 ເດືອນນີ້ວ່າ,ໄດ້ຕັດສາຍສຳພັນການທູດກັບກາຕາແລະເອີ້ນເຈົ້າໜ້າທີ່ການທູດປະເທດຕົນປະຈຳກາຕາກັບຄືນປະເທດພ້ອມທັງຮຽກຮ້ອງໃຫ້ເຈົ້າໜ້າທີ່ການທູດກາຕາປະຈຳປະເທດຕົນອອກປະເທດພາຍໃນ 48 ຊົ່ວໂມງຂະນະທີ່ກະຊວງການຕ່າງປະເທດເອຢິບກໍໄດ້ປິດການຕິດຕໍ່ທາງທະເລແລະທາງອາກາດກັບກາຕາ.ສ່ວນລັດຖະບານ ອາຣາບີຊາອຸດິດກໍປະກາດຈະປິດການຕິດຕໍ່ທາງບົກ,ທາງທະເລແລະທາງອາກາດກັບກາຕາເຊັ່ນດຽວກັນ.ແນວໃດກໍດີ,
ມາເຖິງປັດຈຸບັນ,ກາຕາຍັງບໍ່ທັນມີປະຕິກິລິຍາໃດໆຕໍ່ການປະກາດຕັດສາຍສຳພັນຈາກ 4 ປະເທດດັ່ງກ່າວເທື່ອ.
 |
