ຕາມຂ່າວສານຊິນຮວາ: ຫ້ອງການຈີນສຳນັກງານແຜນການທັນຍາຫານໂລກເປີດເຜີຍໃນວັນທີ 5 ມິຖຸນານີ້ວ່າ, ທັນຍາຫານທີ່ຈີນຊ່ວຍໂຊມາລີຢ່າງຮີບດ່ວນນັ້ນໄດ້ເລີ່ມຂົນສົ່ງຈາກນະຄອນຊຽງໄຮໃນວັນທີ 2 ມິຖຸນານີ້ ໂດຍປະກອບມີເຂົ້າສານ 2800 ກວ່າໂຕນ ແລະຄາດວ່າຈະໄປເຖິງໂຊມາລີ 35 ວັນ.
ຫ້ອງການດັ່ງກ່າວແຈ້ງຕື່ມວ່າ, ຈະນຳເອົາທັນຍາຫານຊຸດນີ້ລວມທັງທັນຍາຫານແລະອາຫານບຳລຸງຈຳນວນໜຶ່ງທີ່ລັດຖະບານຈີນຊ່ວຍເຫຼືອກ່ອນໜ້ານີ້ ໃຫ້ແກ່ປະຊາຊົນ 223.500 ຄົນຢູ່ 18 ເຂດທີ່ປະສົບໄພແຫ້ງແລ້ງຂອງໂຊມາລີບໍລິໂພກເປັນເວລາ 4 ເດືອນ.
ຈີນສະໜອງທັນຍາຫານໃຫ້ປະເທດທີ່ກ່ຽວຂ້ອງ ສຳລັບຊຸດນີ້ເປັນຊຸດທຳອິດພາຍຫຼັງກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ທີ່ໄດ້ຈັດຂຶ້ນຢູ່ນະຄອນຫຼວງປັກກິ່ງກ່ອນໜ້ານີ້ ແລະກໍແມ່ນການຈັດຕັ້ງປະຕິບັດຕົວຈິງຂອງລັດຖະບານຈີນຕາມຄຳໝັ້ນສັນຍາທີ່ໃຫ້ການຊ່ວຍເຫຼືອດ້ານທັນຍາຫານໃນກອງປະຊຸມດັ່ງກ່າວ.
 |
