ຕາມໜັງສືພິມ The Philippine Star: ກະຊວງທ່ອງທ່ຽວຟີລິບປິນໄດ້ເຜີຍແຜ່ຂໍ້ມູນນັກທ່ອງທ່ຽວຕ່າງປະເທດທີ່ໄປທ່ຽວຟີລິບປິນໃນໄຕມາດທຳອິດປີນີ້ມີເຖິງ 1.784.000ເທື່ອຄົນ, ເພີ່ມຂຶ້ນຫຼາຍກວ່າໄຕມາດທຳອິດຂອງປີຜ່ານມາ 11,4%.
ໜັງສືພິມສະບັບນີ້ໄດ້ວິເຄາະວ່າ, ພາຍຫຼັງທ່ານວັນດາ ຕຸນໂຟເຕວຂຶ້ນດຳລົງຕຳແໜ່ງລັດຖະມົນຕີກະຊວງທ່ອງທ່ຽວເປັນຕົ້ນມາ, ທ່ານໄດ້ເຊັນຂໍ້ຜູກພັນການຮ່ວມມືດ້ານການທ່ອງທ່ຽວກັບຈີນ, ຍີ່ປຸ່ນ, ກຳປູເຈຍ, ຣັດເຊຍ ແລະຕວກກີ ທີ່ເປັນແຫຼ່ງນັກທ່ອງທ່ຽວສຳຄັນຂອງຟີລິບປິນ ເຊິ່ງໄດ້ກາຍເປັນປັດໄຈສຳຄັນເຮັດໃຫ້ຈຳນວນນັກທ່ອງທ່ຽວເພີ່ມຂຶ້ນ. ເຈົ້າໜ້າທີ່ກະຊວງທ່ອງທ່ຽວຍັງກ່າວວ່າ, ເຖິງວ່າຟີລິບປິນຍັງມີໄພຂົ່ມຂູ່ຕໍ່ຄວາມປອດໄພ, ເກີດເຫດການວຸ້ນວາຍຢູ່ມາລາວີ ແລະຄະດີຍິງປືນຢູ່ The Resorts World ຂອງມານີລາ ເຊິ່ງເຮັດໃຫ້ນັກທ່ອງທ່ຽວຕ່າງປະເທດທີ່ໄປທ່ຽວປະເທດດັ່ງກ່າວວິຕົກກັງວົນກໍຕາມ, ແຕ່ກະຊວງຕົນຈະສືບຕໍ່ເພີ່ມທະວີການໂຄສະນາໃຫ້ຫຼາຍຂຶ້ນ ເພື່ອບັນລຸເປົ້າໝາຍເຮັດໃຫ້ນັກທ່ອງທ່ຽວຕ່າງປະເທດມາທ່ຽວຟີລິບປິນເພີ່ມຂຶ້ນແຕ່ 6 ລ້ານ 9 ແສນ ຫາ 7 ລ້ານເທື່ອຄົນໃນທ້າຍປີນີ້.
 |
