ຕາມຂ່າວສານຈີນ: ຕອນຄ່ຳວັນທີ 6 ມິຖຸນານີ້, ຢູ່ເມືອງພັດທະຍາປະເທດໄທ, ລົດບັດທີ່ມີຜູ້ໂດຍສານເປັນນັກທ່ອງທ່ຽວຈີນ 34 ຄົນຫ້າມບໍ່ຢູ່ແລ້ວຕົກລົງທະເລ, ແຕ່ໂຊກດີທີ່ນັກທ່ອງທ່ຽວບາງຄົນບາດເຈັບເລັກໜ້ອຍ.
ສື່ມວນຊົນລາຍງານວ່າ, ຕອນຄ່ຳວັນທີ 6 ມິຖຸນາປະມານ 10 ໂມງ 30 ນາທີ, ເຈົ້າໜ້າທີ່ກູ້ໄພເມືອງພັດທະຍາໄດ້ຮັບໂທລະສັບວ່າ, ລົດບັດທ່ອງທ່ຽວຄັນໜຶ່ງໄດ້ເກີດອຸບັດເຫດຢູ່ແຄມທະເລ ແລະພາຍຫຼັງໄປເຖິງຈຸດເກີດເຫດ ກໍພົບເຫັນລົດບັດປ້າຍທະບຽນບາງກອກໄດ້ຕົກລົງທະເລຫ່າງຈາກຫົນທາງ 50 ແມັດ ຈາກນັ້ນກໍໄດ້ຮ່ວມກັບປະຊາຊົນຢູ່ບໍລິເວນເກີດເຫດຊ່ວຍນັກທ່ອງທ່ຽວຈີນອອກຈາກລົດບັດໄດ້ຢ່າງປອດໄພ. ພາຍຫຼັງກວດກາແລ້ວເຫັນວ່າ, ອຸບັດເຫດເທື່ອນີ້ເຮັດໃຫ້ນັກທ່ອງທ່ຽວບາງຄົນບາດເຈັບເລັກໜ້ອຍ, ບາງຄົນສະຫຼົບຍ້ອນຕົກໃຈ ແຕ່ບໍ່ເປັນອັນຕະລາຍຕໍ່ຊີວິດ.
ປັດຈຸບັນ, ເຈົ້າໜ້າທີ່ຕຳຫຼວດໄທເລີ່ມສືບສວນສອບສວນຕໍ່ອຸບັດເຫດດັ່ງກ່າວແລ້ວ.