ກ່ອນໜ້ານີ້ບໍ່ດົນ, ທ່ານ ເຕວຊົງເຊັງ ປະທານສະຫະພັນອຸດສາຫະກຳການຄ້າສິງກະໂປ ໄດ້ໃຫ້ສຳພາດຕໍ່ນັກຂ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ສ້າງໂອກາດໃຫ້ແກ່ການພັດທະນາວິສາຫະກິດປະເທດຕົນໃນອະນາຄົດ.
ສະຫະພັນອຸດສາຫະກຳການຄ້າສິງກະໂປ ແມ່ນໜຶ່ງໃນອົງການຈັດຕັ້ງທີ່ນຳໜ້າໃນການສະໜັບສະໜູນຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ພາຍໃນພາກພື້ນ. ຈາກນີ້, ທ່ານ ເຕວຊົງເຊັງ ຈຶ່ງເນັ້ນວ່າ, ສິງກະໂປ ຈະສືບຕໍ່ເສີມຂະຫຍາຍທ່າແຮງຂອງການເປັນຊຸມທາງຈໍລະຈອນສິນຄ້າແລະຄົມມະນາຄົມທີ່ສຳຄັນໃນໂລກຂອງຕົນ ທັງອາໄສບົດຮຽນການລະດົມທຶນ, ປະກັນໄພ, ກົດໝາຍ, ການຕັດສິນ, ການຄຸ້ມຄອງໂຄງການ, ການອົບຮົມແລະການພັດທະນາ ເພື່ອສ້າງໂອກາດການຄ້າ ໃຫ້ແກ່ການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ໃຫ້ໄດ້ຫຼວງຫຼາຍ.
ທ່ານ ເຕວຊົງເຊັງ ໃຫ້ຮູ້ວ່າ, ປັດຈຸບັນ,ໄດ້ມີທະນາຄານຈີນຫຼາຍແຫ່ງ ຈຳໜ່າຍພັນທະບັດ ແລະເລີ່ມດຳເນີນໂຄງການລະດົມທຶນ "ໜຶ່ງແລວທາງໜຶ່ງເສັ້ນທາງ" ຢູ່ສິງກະໂປ. ແນວໃດກໍດີ, ພວກຂ້າພະເຈົ້າຮຽກຮ້ອງໃຫ້ວິສາຫະກິດສິງກະໂປຈົ່ງຕັ້ງໜ້າບຸກເບີກ, ເສີມຂະຫຍາຍທ່າແຮງຂອງຕົນ, ຖອດຖອນແລກປ່ຽນບົດຮຽນຢ່າງເຕັມສ່ວນ ເພື່ອບັນລຸການເຊື່ອມຈອດຂໍ້ມູນຂ່າວສານ ແລະຮ່ວມກັນກຳໂອກາດການຄ້າ "ໜຶ່ງແລວທາງໜຶ່ງເສັ້ນທາງ".
 |
