ເຂດໃໝ່ຊົງອ່ານຈະສ້າງສະຖານີລົດໄຟຄວາມໄວສູງ
2017-06-08 16:16:24 cri
ກອງປະຊຸມປະຈຳປີ 2017 ຂອງເວທີປຶກສາຫາລືຮ້ອຍຄົນຕົວເມືອງຈີນ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 6 ມິຖຸນານີ້, ໂດຍທ່ານ ຊີຄ່ວງດີ ຫົວໜ້າຄະນະກຳມະການໃຫ້ຄຳປຶກສາຂອງຜູ້ຊ່ຽວຊານດ້ານການພັດທະນາແບບປະສົມປະສານກັນລະຫວ່າງປັກກິ່ງ, ທຽນສິນແລະເຮີເປີຍ ໄດ້ກ່າວໂດຍຄາດວ່າ ການວາງແຜນສ້າງເຂດໃໝ່ຊົງອ່ານແຂວງເຮີເປີຍຈະສຳເລັດໃນທ້າຍເດືອນນີ້ ແລະຈະມອບໃຫ້ສູນກາງເພື່ອພິຈາລະນາກວດກາ. ໃນອະນາຄົດ, ຈະສ້າງສະຖານີລົດໄຟຄວາມໄວສູງຢູ່ເຂດໃໝ່ ເຊິ່ງຈະກາຍເປັນຈຸດໃຈກາງຄົມມະນາຄົມທີ່ສຳຄັນ ແລະເມື່ອເຖິງເວລານັ້ນ ການເດີນທາງຈາກເຂດໃໝ່ຊົງອ່ານສູ່ນະຄອນຫຼວງປັກກິ່ງຈະໃຊ້ເວລາພຽງແຕ່ 41 ນາທີເທົ່ານັ້ນ
