ທະນາຄານພັດທະນາອາຊີເຜີຍແຜ່ບົດລາຍງານຫຼ້າສຸດໂດຍຊີ້ໃຫ້ເຫັນວ່າ, 10 ປີຜ່ານມາ, ຜູ້ມີຄວາມຮູ້ຄວາມສາມາດຂອງປະເທດສະມາຊິກອາຊຽນທີ່ສຳເລັດການສຶກສາຊັ້ນສູງໄປເຮັດວຽກຢູ່ປະເທດສະມາຊິກອົງການຮ່ວມມືແລະພັດທະນາເສດຖະກິດຫຼື OECD ເພີ່ມຂຶ້ນ 66%, ແລະໃນນີ້ 50% ຂຶ້ນໄປມາຈາກຟີລິບປີນ.
ທະນາຄານພັດທະນາອາຊີຄາດວ່າທ່າອຽງດັ່ງກ່າວຍັງຈະສືບຕໍ່ເພີ່ມຂຶ້ນອີກ, ໂດຍປະເທດທີ່ພັດທະນາໃໝ່ຈະເສຍໂອກາດນຳໃຊ້ຜູ້ມີຄວາມຮູ້ຄວາມສາມາດທີ່ສະຫຼາດທີ່ສຸດຂອງປະເທດຕົນເທື່ອລະກ້າວ, ແລະເຖິງວ່າບາງປະເທດໃນອາຊຽນປະສົບຜົນສຳເລັດຢ່າງໃຫຍ່ຫຼວງໃນການພັດທະນາເສດຖະກິດສັງຄົມໃນຫຼາຍປີຜ່ານມາ, ເປັນຕົ້ນປະເທດຟີລິບປີນ, ຫວຽດນາມ, ລາວ, ມຽນມາ, ກຳປູເຈຍແລະອື່ນໆ GDP ໄດ້ເຕີບໂຕຫຼາຍກວ່າ 6% ຕໍ່ປີກໍຕາມ, ແຕ່ຜູ້ມີຄວາມຮູ້ຄວາມສາມາດຂອງປະເທດເຫຼົ່ານີ້ຍັງຈຳເປັນຕ້ອງໄດ້ຫາໂອກາດເຮັດວຽກແລະດຳລົງຊີວິດຢູ່ຕ່າງປະເທດ.
ຕາມສະຖິຕິ, ປະຊາຊົນຟີລິບປີນ, ສິງກະໂປ, ຫວຽດນາມແລະອື່ນໆທີ່ສຳເລັດການສຶກສາໃນລະດັບຊັ້ນສູງນັ້ນມີປະມານ 10% ດຳລົງຊີວິດຢູ່ປະເທດ OECD, ຂະນະທີ່ລາວແລະກຳປູເຈຍດຳລົງຊີວິດຢູ່ປະເທດ OECD ລວມ 15%.