ວັນທີ 10 ມິຖຸນານີ້, ຕະຫຼາດນັດສະພາການຄ້າຊາວຈີນອາຊຽນຄັ້ງທີ 15 ໄດ້ໄຂຂຶ້ນຢູ່ນະຄອນຄຸນມິງ, ແລະໄດ້ເຊັນສັນຍາ 17 ໂຄງການທີີ່ມີມູນຄ່າ 5 ຕື້ 70 ລ້ານຢວນ.
ຕະຫຼາດນັດຄັ້ງນີ້ມີຫົວຂໍ້ວ່າ "ເຊື່ອມໂຍງເຂົ້າ ໜຶ່ງແລວທາງໜຶ່ງເສັ້ນທາງ, ຊຸກຍູ້ການພັດທະນາດ້ວຍການປະດິດສ້າງ", ໄດ້ດຶງດູດນັກທຸລະກິດຊາວຈີນແລະຜູ້ນຳຊາວຈີນຕ່າງດ້າວ 600 ກວ່າທ່ານຈາກ 42 ປະເທດແລະເຂດແຄວ້ນມາເຂົ້າຮ່ວມ.
17 ໂຄງການດັ່ງກ່າວນີ້ໄດ້ເຊັນສັນຍາໃນຕອນບ່າຍມື້ດຽວກັນ, ຍອດມູນຄ່າມີເຖິງ 5 ຕື້ 70 ລ້ານຢວນ ເຊິ່ງກ່ຽວພັນເຖິງກະສິກຳ ອຸດສາຫະກຳເຄມີ ພະລັງງານໃໝ່ ການທ່ອງທ່ຽວ ວັດທະນະທຳ ຂໍ້ມູນຂ່າວສານທາງອິນເຕິເນັດ ການຈໍລະຈອນສິນຄ້າ ສຸຂະພາບ ການຄ້າ ແລະຂົງເຂດອື່ນໆ, ແລະໃນນັ້ນກໍລວມທັງໂຄງການກໍ່ສ້າງໂຮງໄຟຟ້າພະລັງງານແສງຕາເວັນ 50 ເມກາວັດຂອງລາວ.
ນັບແຕ່ສະພາການຄ້າຊາວຈີນສ້າງຕັ້ງຂຶ້ນເມື່ອປີ2003ເປັນຕົ້ນມາ,ໄດ້ຈັດຕະຫຼາດນັດ 14 ຄັ້ງຢ່າງສຳເລັດຜົນ. ໃນ 14 ປີມານີ້, ມີວິສາຫະກິດ 3 ພັນກວ່າແຫ່ງ ແລະນັກທຸລະກິດຊາວຈີນ 5 ພັນກວ່າຄົນໄດ້ມາປຶກສາຫາລືການຮ່ວມມືກັນ, ແລະໄດ້ເຊັນຂໍ້ຜູກພັນແລະສັນຍາຢ່າງເປັນທາງການເກືອບ 100 ສະບັບ,ລົງທຶນໂຕຈິງ 5 ຕື້ກ່ວາຢວນ.
 |
