ວັນທີ 14 ມິຖຸນານີ້ ລັດຖະບານກຳປູເຈຍໄດ້ປະກາດໃຫ້ຍົກເລີກການເກືອດຫ້າມທ່ານ ສຳເຣັນສີ ອະດີດປະທານພັກກູ້ຊາດກັບຄືນປະເທດ.
ຈາກກໍລະນີນີ້, ຮອງປະທານພັກກູ້ຊາດກຳປູເຈຍໄດ້ສະແດງຄວາມຊົມເຊີຍ ແລະກ່າວວ່າປັດຈຸບັນພັກຂອງຕົນຍັງບໍ່ໄດ້ຢືນຢັນວັນເວລາການກັບຄືນປະເທດຂອງທ່ານ ສຳເຣັນສີ, ແຕ່ຄາດວ່າທ່ານຈະກັບຄືນປະເທດກ່ອນການເລືອກຕັ້ງທົ່ວໄປໃນປີ 2018 ເຖິງວ່າຈະຜະເຊີນກັບຄວາມສ່ຽງທີ່ຈະຖືກຄຸກກໍຕາມ.
ເຈົ້າໜ້າທີ່ລັດຖະບານກຳປູເຈຍທີ່ບໍ່ປະສົງອອກນາມທ່ານໜຶ່ງໄດ້ກ່າວຕໍ່ສື່ມວນຊົນປະເທດຕົນວ່າ: ຈາກສະພາບທີ່ທ່ານ ສຳເຣັນສີບໍ່ໄດ້ຮັບການນິລະໂທດເປັນພິເສດນັ້ນ, ລັດຖະບານຈະປະຕິບັດຕາມຄຳຕັດສິນຂອງສານ ເຊິ່ງພຽງແຕ່ທ່ານສຳເຣັນສີກ້າກັບຄືນປະເທດ ກໍຈະຖືກຈັບ. ເຈົ້າໜ້າທີ່ທ່ານນີ້ກ່າວວ່າ: ລັດຖະບານຈະຕັ້ງກຳລັງທະຫານຢູ່ດ່ານຊາຍແດນແລະສະໜາມບິນ 3 ແຫ່ງໃນທົ່ວປະເທດ.
 |
