ໜັງສືພິມ Harian Nusantara ລາຍວັນສະບັບວັນທີ 15 ມິຖຸນານີ້ລາຍງານວ່າ: ທ່ານ ເກເນເຣວ ວີຣານໂຕ ລັດຖະມົນຕີກະຊວງປະສານສົມທົບການເມືອງ,ກົດໝາຍແລະຄວາມປອດໄພອິນໂດເນເຊຍກ່າວວ່າ: ເນື່ອງຈາກກຸ່ມກໍ່ການຮ້າຍ IS ຢູ່ໃກ້ເມືອງມາລາວີເກາະມິນດານາວປະເທດຟີລິບປິນ, ອິນໂດເນເຊຍຈະຈັດກອງປະຊຸມປະສານງານຫຼາຍຝ່າຍໃນທ້າຍເດືອນນີ້ ໂດຍຈະເຊີນນູແວັນເຊລັງ, ອົສຕຣາລີ, ບຣູໄນ,ມາເລເຊຍແລະຟີລິບປິນຮ່ວມຫາລືທິດທາງການຮັບມື,ເພື່ອດັບສູນຖານລັດທິກໍ່ການຮ້າຍຢູ່ເຂດອາຊີຕາເວັນອອກສຽງໃຕ້.
ທ່ານ ວີຣານໂຕ ເຫັນວ່າ: ປັດຈຸບັນ, ຫຼັງສາຂາຂອງອົງການກໍ່ການຮ້າຍ IS ຢູ່ຊີຣີໄດ້ຖືກດັບສູນແລ້ວ, ອົງການດັ່ງກ່າວຈະຫັນເປົ້າໝາຍມາສູ່ສອງຈຸດຢູ່ອາຊີຕາເວັນອອກສຽງໃຕ້ ຄືເມືອງປາໂມນາ ຕີເມີ ແຂວງຊຸລາວີຊີກາງອິນໂດເນເຊຍ ແລະ ເມືອງມາລາວີປະເທດຟີລິບປິນ. ຈາກນີ້ອິນໂດເນເຊຍຈະເພີ່ມທະວີການປ້ອງກັນເຂດຊາຍແດນຢູ່ໃກ້ພາກໃຕ້ຟີລິບປິນ ເພື່ອບໍ່ໃຫ້ກຸ່ມກໍ່ການຮ້າຍລອດເຂົ້າມາໃນປະເທດຕົນ.