ວັນທີ 14 ມິຖຸນານີ້, ທ່ານ ໂອເກສໂຕ ອາໂຣຊີເມນາ ລັດຖະມົນຕີກະຊວງອຸດສາຫະກຳການຄ້າປານາມາກ່າວວ່າ: ປະເທດຕົນຫວັງຈະເຊັນສັນຍາການຄ້າເສລີກັບຈີນ ເພື່ອເພີ່ມທະວີການແລກປ່ຽນ ແລະ ຊຸກຍູ້ການພົວພັນດ້ານການຄ້າລະຫວ່າງສອງຝ່າຍ.
ທ່ານ ໂອເກສໂຕ ອາໂຣຊີເມນາ ກ່າວຕື່ມວ່າ: ການຄ້າແລະການລົງທຶນແມ່ນຫົວຂໍ້ທີ່ສຳຄັນຂອງວາລະການຮ່ວມມືລະຫວ່າງປານາມາ-ຈີນ. ຈີນໃນຖານະເປັນກຸ່ມເສດຖະກິດໃຫຍ່ອັນດັບສອງຂອງໂລກ,ທັງແມ່ນຄູ່ຮ່ວມການຄ້າທີ່ສຳຄັນຫຼາຍທີ່ສຸດຂອງປານາມາ. ຈາກນີ້ລັດຖະບານປະເທດຕົນຈະພະຍາຍາມປຶກສາຫາລືເພື່ອບັນລຸຄວາມເປັນເອກະພາບກັນ ແລະສ້າງຜົນປະໂຫຍດທີ່ແທ້ຈິງໃຫ້ແກ່ສອງປະເທດ. ຂະນະດຽວກັນກໍຈະຖືຜົນປະໂຫຍດຂອງສອງປະເທດເປັນຈຸດເລີ່ມໃນການເພີ່ມທະວີການປຶກສາຫາລືດ້ານການຄ້າກັບຈີນ,ຍົກຂີດຄວາມສາມາດບົ່ມຊ້ອນດ້ານການຄ້າສົ່ງອອກ,ເພື່ອສ້າງທ່າແຮງແຂ່ງຂັນໃຫ້ແກ່ນັກລົງທຶນຫຼາຍກວ່າເກົ່າ.
ຈີນແລະປານາມາໄດ້ເຊັນຖະແຫຼງການຮ່ວມໃນວັນທີ 13 ມິຖຸນານີ້ ແລະສ້າງສາຍພົວພັນທາງການທູດລະດັບເອກອັກຄະລັດຖະທູດ.
 |
