ສູນການຄ້າແຫ່ງໜຶ່ງຢູ່ໂບໂກຕາ ນະຄອນຫຼວງໂກລົມບີໄດ້ເກີດເຫດລະເບີດໃນວັນທີ 17 ມິຖຸນານີ້, ສົ່ງຜົມເຮັດໃຫ້ປະຊາຊົນຢ່າງໜ້ອຍ 3 ຄົນເສຍຊີວິດແລະ 9 ຄົນໄດ້ຮັບບາດເຈັບ.
ເຈົ້າຄອງນະຄອນຫຼວງໂບໂກຕາກ່າວວ່າ, ເຫດລະເບີດດັ່ງກ່າວແມ່ນການໂຈມຕີກໍ່ການຮ້າຍ.
ສື່ມວນຊົນທ້ອງຖິ່ນລາຍງານວ່າ, ເຫດລະເບີດໄດ້ເກີດຂຶ້ນຢູ່ຊັ້ນສອງຂອງສູນການຄ້າແຫ່ງນັ້ນທາງພາກເໜືອຂອງໂບໂກຕາ. ການລະເບີດມີອານຸພາບທຳລາຍຢ່າງຮຸນແຮງແລະເກີດມີຄວັນກຸ້ມ. ຂະນະທີ່ໃນຈຳນວນຜູ່ເສຍຊີວິດມີຍິງຝຣັ່ງໜຶ່ງຄົນ. ປັດຈຸບັນ, ປະຊາຊົນຢູ່ສູນການຄ້າດັ່ງກ່າວຖືກແຍກຍ້າຍແລ້ວແລະຜູ່ບາດເຈັບກໍຖືກສົ່ງໄປປິ່ນປົວຢູ່ໂຮງໝໍ. ປັດຈຸບັນຍັງບໍ່ມີອົງການຫຼືບຸກຄົນໃດໆອອກມາກ່າວອ້າງຄວາມຮັບຜິດຊອບຂອງເຫດການດັ່ງກ່າວ.