ວັນທີ 17 ມິຖຸນານີ້, ທ່ານສຕາຟຟານ ເດີ ມິສຕູຣາ ທູດພິເສດກ່ຽວກັບບັນຫາຊີຣີຂອງເລຂາທິການໃຫຍ່ອົງການສະຫະປະຊາຊາດໄດ້ປະກາດແຈ້ງການວ່າ: ຕົນອາດຈະເລີ່ມດຳເນີນແຜນການເຈລະຈາສັນຕິພາບກ່ຽວກັບບັນຫາຊີຣີຮອບໃໝ່ໃນວັນທີ 10 ກໍລະກົດໜ້ານີ້.
ທ່ານ ເດີ ມິສຕູຣາ ລະບຸໃນແຈ້ງການວ່າ: ຕົນຈະກຳນົດຜູ້ແທນການເຈລະຈາສັນຕິພາບທີ່ຈະເຊື້ອເຊີນໂດຍສືບຕໍ່ປະຕິບັດຕາມມະຕິທີ່ກ່ຽວຂ້ອງຂອງສະພາຄວາມໝັ້ນຄົງສະຫະປະຊາຊາດ. ຫົວຂໍ້ໃຈກາງຂອງການເຈລະຈາສັນຕິພາບຮອບໃໝ່ຍັງຄົງແມ່ນການປະກອບສ້າງລັດຖະບານສາມັກຄີຊາດ,ການດັດແກ້ລັດຖະທຳມະນູນ,ການຈັດການເລືອກຕັ້ງທົ່ວໄປຄັ້ງໃໝ່ແລະການຕ້ານການກໍ່ການຮ້າຍ.
ທ່ານ ເດີ ມິສຕູຣາ ກ່າວຕື່ມວ່າ: ນອກຈາກການເຈລະຈາໃນເດືອນກໍລະກົດແລ້ວ,ການເຈລະຈາດັ່ງກ່າວຈະສືບຕໍ່ດຳເນີນໃນເດືອນສິງຫາແລະເດືອນກັນຍາປີນີ້ນຳອີກ.
 |
