ກອງປະຊຸມເວທີປຶກສາຫາລືສອງຝັ່ງຊ່ອງແຄບໄຕ້ຫວັນຄັ້ງທີ 9 ໄດ້ຈັດຂຶ້ນຢູ່ເມືອງເຊ້ຍເມີນແຂວງຟູຈ້ຽນປະເທດຈີນຢ່າງຄຶກຄື້ນ ໂດຍທ່ານ ຢູເຈີ້ງເຊີ່ງ ກຳມະການປະຈຳກົມການເມືອງສູນກາງພັກ,ປະທານສະພາປຶກສາການເມືອງປະຊາຊົນແຫ່ງຊາດຈີນເຂົ້າຮ່ວມແລະກ່າວຄຳປາໄສໃນພິທີໄຂກອງປະຊຸມ.
ທ່ານ ຢູເຈີ້ງເຊີ່ງ ຊີ້ໃຫ້ເຫັນວ່າ: ໃນປີ 2016 ຜ່ານມາ, ເຖິງວ່າການພັດທະນາການພົວພັນສັນຕິພາບລະຫວ່າງສອງຝັ່ງຊອງແຄບໄຕ້ຫວັນໄດ້ຖືກລົບກວນຢ່າງໜັກໜ່ວງ ແລະໄດ້ຜະເຊີນກັບຄວາມສ່ຽງແລະສິ່ງທ້າທາຍອັນໃໝ່ກໍຕາມ,ແຕ່ການແລກປ່ຽນລະຫວ່າງສອງຝັ່ງຊ່ອງແຄບກໍຢືນຢູ່ຈຸດເລີ່ມຕົ້ນໃໝ່ທາງປະຫວັດສາດ ໂດຍແຜ່ນດິນໃຫຍ່ຈີນໄດ້ວາງມາດຕະການແລະນະໂຍບາຍ 20 ກວ່າລາຍການ ເພື່ອສ້າງເງື່ອນໄຂທີ່ດີກວ່າເກົ່າໃຫ້ແກ່ພີ່ນ້ອງຮ່ວມຊາດໄຕ້ຫວັນທີ່ມາຮ່ຳຮຽນ,ດຳລົງຊີວິດແລະເຮັດວຽກຢູ່ແຜ່ນດິນໃຫຍ່ຈີນ.
ທ່ານ ຢູເຈີ້ງເຊີ່ງ ເນັ້ນວ່າ: ພີ່ນ້ອງຮ່ວມຊາດລະຫວ່າງສອງຝັ່ງຊ່ອງແຄບຄວນຮັບເອົາໄມ້ແລ່ນຕໍ່ແຮງແຫ່ງປະຫວັດສາດ,ຍຶດໝັ້ນຮັກສາຫຼັກການປະເທດຈີນດຽວ,ພັດທະນາເສດຖະກິດ-ສັງຄົມລະຫວ່າງສອງຝັ່ງຊ່ອງແຄບໃຫ້ເຊື່ອມໂຍງເຂົ້າກັນຢ່າງເລິກເຊິ່ງ,ຊຸກຍູ້ຂະບວນການທ້ອນໂຮມປະເທດຊາດເຂົ້າເປັນເອກະພາບໂດຍສັນຕິ ແລະ ປະກອບສ່ວນເຂົ້າໃນການບັນລຸເປົ້າໝາຍພັດທະນາປະເທດຊາດໃຫ້ເຂັ້ມແຂງ ການສ້າງປະຊາຊາດຈີນໃຫ້ຈະເລີນຮຸ່ງເຮືອງຍິ່ງໆຂຶ້ນແລະຄວາມຜາສຸກຂອງປະຊາຊົນ.
 |
