ລັດຖະບານວານູອາຕູທີ່ເປັນປະເທດເກາະດອນຢູ່ປາຊີຟິກໃຕ້ໄດ້ຢືນຢັນວ່າ: ທ່ານ ບານດ໌ວິນ ລອນສ໌ເດວ ປະທານາທິບໍດີປະເທດຕົນໄດ້ເຖິງແກ່ມໍລະນະກຳໃນວັນທີ 17 ມິຖຸນານີ້.
ສື່ມວນຊົນທ້ອງຖິ່ນລາຍງານວ່າ: ທ່ານ ລອນສ໌ເດວ ໄດ້ຖືກສົ່ງໄປໂຮງໝໍແຫ່ງໜຶ່ງຢູ່ນະຄອນຫຼວງພັອດວີລາສຸກເສີນຫຼັງສົງໄສເກີດອາການພະຍາດຫົວໃຈ, ແຕ່ແພດໝໍກໍບໍ່ສາມາດກູ້ຊີວິດຄືນໄດ້.
ແຫຼ່ງຂ່າວຈາກກະຊວງການຕ່າງປະເທດວານູອາຕູໃຫ້ຮູ້ວ່າ: ຫຼັງຈາກທ່ານ ລອນສ໌ເດວ ເຖິງແກ່ມໍລະນະກຳແລ້ວ, ວານູອາຕູກໍເຂົ້າສູ່ໄລຍະໄວ້ອາໄລທົ່ວປະເທດເປັນເວລາ 10 ວັນ.
ຂ່າວແຈ້ງວ່າ:ທ່ານ ລອນສ໌ເດວ ໄດ້ຂຶ້ນດຳລົງຕຳແໜ່ງປະທານາທິບໍດີເມື່ອວັນທີ 22 ກັນຍາປີ 2014.