ຕາມຂ່າວສານຊິນຮວາ: ວັນທີ 18 ມິຖຸນານີ້, ກອງກຳປັ່ນທະຫານທະເລຈີນ ໄດ້ເດີນທາງຈາກເມືອງຊ່ານຢ້າໄປແຊງເປເຕີສເບີກແລະກາລີນິນກຣັດປະເທດຣັດເຊຍ ເພື່ອເຂົ້າຮ່ວມການຊ້ອມຮົບ "ຮ່ວມທາງທະເລ 2017" ໄລຍະທີໜຶ່ງລະຫວ່າງສອງປະເທດ.
ພາຍຫຼັງສອງປະເທດເປັນເອກະພາບກັນຫວ່າງບໍ່ດົນຜ່ານມາ, ກອງທັບທະເລສອງຝ່າຍຈະຊ້ອມຮົບປະສົມ "ຮ່ວມທາງທະເລ 2017" ໂດຍແບ່ງເປັນສອງໄລຍະ ຄືໄລຍະທີໜຶ່ງຢູ່ເຂດທະເລບານຕິກໃນທ້າຍເດືອນກໍລະກົດ ແລະໄລຍະທີສອງຢູ່ເຂດທະເລຍີ່ປຸ່ນແລະທະເລອ໊ອກຮອດສ໌ກ໌ໃນກາງເດືອນກັນຍາ.
ປີນີ້, ການຊ້ອມຮົບປະສົມຈີນ-ຣັດເຊຍມີຫົວຂໍ້ "ຮ່ວມຊ່ວຍເຫຼືອແລະປ້ອງກັນຄວາມປອດໄພຂອງກິດຈະກຳເສດຖະກິດທາງທະເລ" ແມ່ນການຊ້ອມຮົບປະຈຳປີລະຫວ່າງກອງທັບທະເລສອງປະເທດ ເຊິ່ງຈຸດປະສົງກໍເພື່ອປັບປຸງແລະເສີມຂະຫຍາຍການພົວພັນຄູ່ຮ່ວມມືປະສານງານຍຸດທະສາດຮອບດ້ານ, ລົງເລິກມິດຕະພາບແລະການຮ່ວມມືຕົວຈິງລະຫວ່າງສອງກອງທັບ, ເພີ່ມທະວີຂີດຄວາມສາມາດໃນການຮັບມືກັບການຂົ່ມຂູ່ທາງທະເລ ແລະຍົກລະດັບການຈັດຕັ້ງແລະການບັນຊາການເຄື່ອນໄຫວປະສົມຂອງກອງທັບທະເລສອງປະເທດໃຫ້ສູງຂຶ້ນ.