ເທດສະການຮູບເງົາສາກົນຊຽງໄຮຄັ້ງທີ 20 ໄດ້ຈັດຂຶ້ນຢູ່ນະຄອນຊຽງໄຮ ສປ ຈີນແຕ່ວັນທີ 17-26 ມິຖຸນານີ້ ຕາມຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໂດຍມີຜູ້ຕາງໜ້າຂອງເທດສະການຮູບເງົາ 13 ປະເທດ ເປັນຕົ້ນ ເທດສະການຮູບເງົາບອມເບອິນເດຍ, ເທດສະການສາກົນມິສໂຄກຮົງກາລີ, ເທດສະການຮູບເງົາສາກົນວິວນິວສ໌ລີຕົວນີ, ເທດສະການຮູບເງົາສາກົນເທຊາໂລນີກີເກຣັກ ແລະອື່ນໆ ພ້ອມດ້ວຍອົງການຈັດຕັ້ງຮູບເງົາເຂົ້າຮ່ວມ. ຂະນະດຽວກັນ ກໍໄດ້ເຊັນບົດບັນທຶກຄວາມເຂົ້າໃຈວ່າດ້ວຍການແລກປ່ຽນແລະການຮ່ວມມື "ໜຶ່ງແລວທາງໜຶ່ງເສັ້ນທາງ" ຢູ່ຊຽງໄຮໃນວັນທີ 17 ມິຖຸນານີ້.
ໃນເທດສະການຮູບເງົາຄັ້ງນີ້ ຈະໄດ້ຖອດຖອນບົດຮຽນກ່ຽວກັບເທດສະການຮູບເງົາ, ຍຸດທະວິທີການດຶງດູດຜູ້ຊົມ ແລະກົນໄກການໂຄສະນາປະຊາສຳພັນ ໂດຍຜ່ານເວທີປຶກສາຫາລືໂຕະມົນວັດທະນະທຳຮູບເງົາ "ໜຶ່ງແລວທາງໜຶ່ງເສັ້ນທາງ" ທັງຈະແນະນຳສະພາບຂອງຂະແໜງການຮູບເງົາແລະເອກະລັກວັດທະນະທຳຮູບເງົາຂອງແຕ່ລະປະເທດຕື່ມອີກ.
 |
