ໃນການຈັດອັນດັບທ່າກຳປັ່ນແຕ່ 1-10 ຂອງໂລກໃນດ້ານປະລິມານການຄ່ຽນຖ່າຍສິນຄ້າແລະຕູ້ຄອນເທເນີໂດຍຈີນມີທ່າກຳປັ່ນເຖິງ 7 ແຫ່ງ ເຊິ່ງທ່າກຳປັ່ນເຫຼົ່ານີ້ໄດ້ສ້າງພາບພົດຂອງປະເທດເຂັ້ມແຂງທີ່ເປັນຊຸມທາງຄົມມະນາຄົມຂອງໂລກ ເຊິ່ງສະແດງໃຫ້ເຫັນເສົາຄ້ຳທາງຍຸດທະສາດແຫ່ງການພັດທະນາກ້າວກະໂດດຂອງຈີນ. ໄລຍະ 5 ປີນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນ, ຈີນໄດ້ເລັ່ງຍົກຂະໜາດແລະວິຊາການທ່າກຳປັ່ນໃຫ້ສູງຂຶ້ນຢ່າງພົ້ນເດັ່ນ ແລະມີຄວາມສາມາດຮອງຮັບກຳປັ່ນແລ່ນຜ່ານເພີ່ມຂຶ້ນຢ່າງຈະແຈ້ງ ອັນເປັນເສົາຄ້ຳທີ່ເຂັ້ມແຂງສຳລັບການພັດທະນາເສດຖະກິດແຫ່ງຊາດ.