ກະຊວງປ້ອງກັນປະເທດຣັດເຊຍ ເປີດເຜີຍໃນວັນທີ 19 ມິຖຸນານີ້ວ່າ: ເນື່ອງຈາກຍົນຮົບອາເມລິກາໄດ້ຍິງຍົນຮົບຊີຣີຕົກ 1 ລຳ, ປະເທດຕົນຈຶ່ງເລີ່ມຢຸດການປະຕິບັດບົດບັນທຶກຄວາມເຂົ້າໃຈລະຫວ່າງຣັດເຊຍ-ອາເມລິກາວ່າດ້ວຍຄວາມປອດໄພທາງການບິນຢູ່ຊີຣີ ເປັນການຊົ່ວຄາວນັບແຕ່ວັນດັ່ງກ່າວເປັນຕົ້ນໄປ.
ກະຊວງປ້ອງກັນປະເທດຣັດເຊຍ ເຫັນວ່າ: ການທີ່ອາເມລິກາໂຈມຕີກອງທັບລັດຖະບານຊີຣີຫຼາຍເທື່ອ ໂດຍອ້າງວ່າ "ປາບປາມລັດທິກໍ່ການຮ້າຍ" ນັ້ນ ຖືວ່າເປັນການລ່ວງລະເມີດອຳນາດອະທິປະໄຕຂອງຊີຣີຢ່າງບັງອາດ ທັງເປັນການລະເມີດກົດໝາຍສາກົນຕື່ມອີກ. ກ່ອນຈະຍິງຍົນຮົບຊີຣີຕົກນັ້ນ, ອາເມລິກາກໍບໍ່ໄດ້ພົວພັນກັບຣັດເຊຍດ້ວຍການຫາລືກັນເພື່ອປ້ອງກັນບໍ່ໃຫ້ເກີດເຫດການທາງອາກາດ. ຈາກນັ້ນ, ຣັດເຊຍຈຶ່ງຮຽກຮ້ອງໃຫ້ກອງບັນຊາການອາເມລິກາສືບສວນເຫດການດັ່ງກ່າວຢ່າງເລິກເຊິ່ງ ທັງແຈ້ງຜົນການສືບສວນໃຫ້ຣັດເຊຍຊາບ.